- Ашхы атаны – джашы ашхы, ашхы ананы – къызы ашхы.
- Окъугъан озар, окъумагъан тозар.
- Баш – акъыл ючюн, акъылман – халкъ ючюн.
- Къызгъанчдан ычхыныр, мухардан ычхынмаз.
- Алтыда кюлмеген, алтмышда кюлмез.
- Хар сёзню орну барды.
- Ётюрюкчюню шагъаты – къатында.
- Атлыны кёрсе, джаяуну буту талыр.
- Игилик игилик бла сингдирилиучю затды.
- Бет бетге къараса, бет да джерге къарар.
- Къайгъыны сюйген, къайгъы табар.
- Тил джюрекге джол ишлейди.
- Суугъа – таянма, джаугъа – ийнанма.
- Адеб джокъда, намыс джокъ.
- Къошда джокъгъа – юлюш джокъ.
- Эшекге миннген – биринчи айыб, андан джыгъылгъан – экинчи айыб.
- Эринчекни эр алмаз, эр алса да, кёл салмаз, кёл салса да, кёб бармаз!
- Ана къойну – балагъа джандет.
- Юй кюйдю да, кюйюз чыкъды, ортасындан тюйюш чыкъды.
- Ашатыргъа иш – ашхы, ишлетирге аш – ашхы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къайгъы тюбю – тенгиз.
- Ишни ахырын ойламай, аллын башлама.
- Къарнынг къанлынга кийирир.
- Чакъырылмагъан къонакъ къачан кетерин сормаз.
- Гугук кесини атын айтыб къычыргъанча, мен, мен деб нек тураса?
- Уясында не кёрсе, учханында аны этер.
- Адамны аманы адамны бети бла ойнар.
- Ишге юренсин къоллары, халкъ бла болсун джоллары.
- Аджаллыгъа окъсуз шкок атылыр.
- Байлыкъ келсе, акъыл кетер.
- Кесине гебен этелмеген, биреуге черен эте эди.
- Кийимни бичсенг, кенг бич, тар этген къыйын тюлдю.
- Акъыл сабырлыкъ берир.
- Эки къатын алгъан – эки ташны ортасына башын салгъан.
- Итли къонакъ джарашмаз.
- Дууулдаса – бал чибин, къонса – къара чибин.
- Къарт бла баш аша, джаш бла аякъ аша.
- Керилген да, ургъан кибикди.
- Татлы тилде – сёз ариу, чемер къолда – иш ариу.
- Аз сёлеш, кёб ишле.
- Иги сеники эсе да, сюйген кесимикин этеме.
- Тай асырагъан, атха минер.
- Онгсузну – джакъла, тенгликни – сакъла.
- Ашхы – джыяр, аман – джояр.
- Уллу сёзде уят джокъ.
- Ат да турмайды бир териде.
- Тойчу джашха къарама, къойчу джашха къара.
- Кийиминг бла танылма, адамлыкъ бла таныл.
- Ана – юйню кюн джарыгъы.
Профиль
|
|
|||