- Тенгинг джокъ эсе – изле, бар эсе – сакъла!
- Байма, деб да, къууанма, джарлыма, деб да, джылама.
- Шекер бла туз – бир болмаз, ушамагъан – юй болмаз.
- Кесине гебен этелмеген, биреуге черен эте эди.
- Акъыллы айтыр эди, акъылсыз къоймайды.
- Эм ашхы къайын ана мамукъ бла башынгы тешер.
- Баш – акъыл ючюн, акъылман – халкъ ючюн.
- Къонакъ хазыр болгъанлыкъгъа, къонакъбай хазыр тюлдю.
- Элде адам къалмаса, ит тахтагъа минер.
- Сакъламагъан затынга джолукъсанг, не бек къууанаса, не бек ачыйса.
- Ач да бол, токъ да бол – намысынга бек бол.
- Эки элинги тыйсанг, джети элде махталырса.
- Билим ат болуб да чабар, къуш болуб да учар.
- Тау башында, тау болмаз, джангыз терек, бау болмаз.
- Эл бла кёргенинг эрелей.
- Кесинге джетмегенни, кёб сёлешме.
- Арбаз сайлама да, хоншу сайла.
- Аман адам этегингден тутса, кес да къач.
- Аджашхан тёгерек айланыр.
- Чарсда алчыны эл кёреди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны бетине къарама, адетине къара.
- Кёб къычыргъандан – къоркъма, тынч олтургъандан – къоркъ.
- Адамны сабийин сюйген джюреги, бычакъча, джитиди.
- Кесинг сынамагъан затны, адамгъа буюрма.
- Аз сёлеш, кёб ишле.
- Байлыкъ болгъан джерде, тынчлыкъ джокъду.
- Биреуню тёрюнден, кесинги эшик артынг игиди.
- Биреуню эскиси биреуге джангы болмайды.
- Эки къатын алгъанны къулагъы тынгнгаймаз.
- Дуния мал дунияда къалады.
- Кеси юйюмде мен да ханма.
- Къралынгы – душмандан, башынгы от бла суудан сакъла.
- Эркишини аманы тиширыуну джылатыр.
- Кёбню кёрген – кёб билир.
- Ачлыкъ отха секиртир.
- Юй кюйдю да, кюйюз чыкъды, ортасындан тюйюш чыкъды.
- Аякъларынгы джууургъанынга кёре узат.
- Ётюрюкден тюбю джокъ, кёлтюрюрге джиби джокъ.
- Джумушакъ терекни къурт ашар.
- Къатын къылыкъсыз, эр тынчлыкъсыз.
- Телини эшигин, махтау джабар.
- Аман адам элни бир-бирине джау этер.
- Ашха уста, юйюнде болсун
- Тойчу джашха къарама, къойчу джашха къара.
- Иги сёз – джаннга азыкъ, аман сёз башха – къазыкъ.
- Эрни эр этерик да, къара джер этерик да, тиширыуду.
- Ачыкъ джюрекге джол – ачыкъ.
- Хазыр ашха – терен къашыкъ.
- Таула не мийик болсала да, аууш табылыр.
Профиль
|
|
|||