- Аман киши кеси юйюнде – къонакъ.
- Ачны эсинде – аш.
- Джолда аягъынга сакъ бол, ушакъда тилинге сакъ бол.
- Ачыу алгъа келсе, акъыл артха къалады.
- Сабий кёргенин унутмаз.
- Тилчи тилден къаныкъмаз.
- Кёбню кёрген – кёб билир.
- Къозулугъунда тоймагъан, къойлугъунда тоймаз.
- Арбаз сайлама да, хоншу сайла.
- Башы джабылгъан челекге, кир тюшмез.
- Минг тенг да азды, бир джау да кёбдю.
- Эртде тургъан бла эртде юйленнген сокъуранмаз.
- Аманнга игилик этсенг, юйюнге сау бармазса.
- Адеб базарда сатылмаз.
- Къыйынлы джети элни къайгъысын этер.
- Ишни ахырын ойламай, аллын башлама.
- Ётюрюкчюню шагъаты – къатында.
- Джогъун бар этген, барын бал этген.
- Иши джокъну, сыйы джокъ.
- Ата – билек, ана – джюрек!
- Накъырда – кертини келечиси.
- «Ма», - дегенни билмесенг, «бер», - дегенни билмезсе.
- Билим къая тешер.
- Тёрдеги кюлсе, эшикдеги ышарыр.
- Уллу суу бла уллу ауруудан башынгы сакъла.
- Сакъалы текени да бар, мыйыгъы киштикни да бар.
- Тамбла алтындан бюгюн багъыр ашхы.
- Ашатыргъа иш – ашхы, ишлетирге аш – ашхы.
- Кёб джат да, бек чаб.
- Тойчу джашха къарама, къойчу джашха къара.
- Ана кёлю – балада, бала кёлю – талада.
- Ёлген ийнек сютлю болур.
- Хоншуну тауугъу къаз кёрюнюр, келини къыз кёрюнюр.
- Акъыл бла адеб эгизледиле.
- Окъугъанны бети джарыкъ.
- Халкъны джырын джырласанг, халкъ санга эжиу этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Мал кёб болса, джууукъ кёб болур.
- Эр сокъур болсун, къатын тилсиз болсун.
- Ач къалгъандан, кеч къалгъан къолай.
- Джаным-тиним – окъуу, билим.
- Адам къыйынлыгъын кёлтюрюр, зауукълугъун кёлтюрмез.
- Баланы адам этген анады.
- Билим – акъылны чырагъы.
- Джетген къыз джерли эшекни танымаз.
- Ёлген эшек бёрюден къоркъмайды.
- Ашлыкъны арба юйге келтирир, чана базаргъа элтир.
- Этим кетсе да, сюегим къалыр.
- Тёзгеннге, джабылгъан эшик ачылыр.
- Къыз тиширыу кеси юйюнде да къонакъды.
Профиль
|
|
|||