Эльбрусоид :: Форум :: Гасан Абдурахман

Асхат ашлыкъ сата, юйдегиси ачдан къата.
Джарлы тюеге минсе да, ит къабар.
Таякъ этден ётер, тил сюекден ётер.
Джауумдан сора, кюн кюйдюрюр, ётюрюкден сора, айыб кюйдюрюр.
Намыс болмагъан джерде, насыб болмаз.
Эрине къаргъыш этген къатын, эрнин къабар.
Гыдай эчки суугъа къараб, мюйюзле кёрмесе, джашма алкъын, дегенди.
Акъыллы эркиши атын махтар, акъылсыз эркиши къатынын махтар.
Айран тёгюлсе, джугъусу къалыр.
Кютгени беш эчки, сызгъыргъаны уа, джерни джарады.
Къайгъы тюбю – тенгиз.
Тилчи бир сагъатха айлыкъ хата этер.
Уллу сёзде уят джокъ.
Тели турса – той бузар.
Аз сёлеш, кёб ишле.
Джюрек кёзден алгъа кёрюр.
Ойнаб айтсанг да, эслеб айт.
Айтылгъан сёз ызына къайтмаз.
Ойнай-ойнай кёз чыгъар.
Ишге юренсин къоллары, халкъ бла болсун джоллары.
Эли джокъну – кёлю джокъ.
Сёз садакъдан кючлюдю.
Бети къызарыучу адамны, джюреги харам болмаз.
Татлы тилде – сёз ариу, чемер къолда – иш ариу.
Иги бла джюрюсенг, джетерсе муратынга, аман бла джюрюсенг, къалырса уятха.
Шекер бла туз – бир болмаз, ушамагъан – юй болмаз.
Ашлыкъ – бюртюкден, джюн – тюкден.
Ишленмеклик адамлыкъды.
Адамгъа аман кюн соруб келмейди.
Кёпюр салгъан кеси ётер, уру къазгъан кеси кетер.
Ашыкъгъанны этеги бутуна чырмалыр.
Окъугъан – асыу, окъумагъан – джарсыу.
Гырджын – тепсини тамадасы.
Ашхы атаны – джашы ашхы, ашхы ананы – къызы ашхы.
Миллетни бойну – базыкъ, аны бла кюрешген – джазыкъ.
Джангызны оту джарыкъ джанмаз!
Юйлю уругъа ит чабмаз.
Таукел адам тау тешер.
Этни бети бла шорпасы.
Билгенни къолу къарны джандырыр.
Къарт бла баш аша, джаш бла аякъ аша.
Бастасын ашагъан, хантусун да ичер.
Адамны бетине къарама, адетине къара.
Аман къатын сабий табса, бий болур…
Джылыгъа джылан илешир.
Кёл – къызбай, къол – батыр.
Тил бла келеди джыр да.
Кёб къычыргъандан – къоркъма, тынч олтургъандан – къоркъ.
Ойнай билмеген, оюн бузар.
Ата – баланы уясы.

Логин:
Пароль:
	Запомнить меня на этом компьютере

Забыли свой пароль?
Регистрация