- Зар адамны насыбы болмаз.
- Адамны сабийин сюйген джюреги, бычакъча, джитиди.
- Тюзню ётмеги тюзде къалса да, тас болмаз.
- Бал чибинни ургъаны – ачы, балы – татлы.
- От этилмеген джерден тютюн чыкъмайды.
- Аманны тукъумуна къарама, игини тукъумун сорма.
- Адебсиз адам – джюгенсиз ат.
- Чакъырылмагъан къонакъ къачан кетерин сормаз.
- Кёзден кетген, кёлден да кетеди.
- Ауурну тюбю бла, дженгилни башы бла джюрюген.
- Азыгъы аз, алгъа къабар, аты аман, алгъа чабар.
- Чомарт къолда мал къалмаз.
- Ашда уялгъан – мухар, ишде уялгъан – хомух.
- Ёлген аслан – сау чычхан.
- Эркиши – от, тиширыу – суу.
- Эки итни арасына сюек атма, эки адамны арасында сёз чыгъарма.
- Элиб деген, элге болушур.
- Ашхы атаны – джашы ашхы, ашхы ананы – къызы ашхы.
- Ана къолу ачытмаз.
- Юреннген ауруу къалмаз.
- Дженгил джетерикме деб, узун джолну къоюб, къысхасын барма.
- Иши джокъну, сыйы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Чомарт бергенин айтмаз.
- Арпа, будай – ащды, алтын, кюмюш а – ташды.
- Ишин билген, аны сыйын чыгъарады.
- Мадар болса, къадар болур.
- Мураты болгъанны джюрек тебюую башхады.
- Джол бла сёзню къыйыры джокъ.
- Кёбню кёрген – кёб билир.
- Тай асырагъан, атха минер.
- Ашхылыкъ джерде джатмайды, аманлыкъ суугъа батмайды.
- Элге къуллукъ этмеген, элге ие болмаз.
- Гитче джилтин уллу элни джандырыр.
- Къартны бурнун сюрт да, оноугъа тут.
- Аманнга алтын чыдамаз.
- Таш бла ургъанны, аш бла ур.
- Эр абынмай, эл танымаз.
- Ачылгъан эт джабылыр, кёрген кёз унутмаз.
- Эте билген, этген этеди, эте билмеген, юретген этеди!
- Эм уллу байлыкъ – джан саулукъ.
- Хатерли къул болур.
- Ёгюзню мюйюзлери ауурлукъ этмейдиле.
- Чарсда алчыны эл кёреди.
- Киштикге къанат битсе, чыпчыкъ къалмаз эди.
- Чомартны къолу берекет.
- Суу да къайтады чыкъгъан джерине.
- Этни бети бла шорпасы.
- Къарнынг бла ёч алма.
- Тойгъа барсанг, тоюб бар, эски тонунгу къоюб бар.
Профиль
|
|
|||