- Таугъа чыгъаллыкъ эсенг, тюзде къалма.
- Ашатыргъа иш – ашхы, ишлетирге аш – ашхы.
- Билимден уллу байлыкъ джокъду.
- Адамны сыфатына къарама, сёзюне къара.
- Абынмазлыкъ аякъ джокъ, джангылмазлыкъ джаякъ джокъ.
- Арбаз сайлама да, хоншу сайла.
- Къызбайны юйюне дери сюрсенг, батыр болур.
- Эринчекге кюн узун.
- Къошда джокъгъа – юлюш джокъ.
- Аууз сакълагъан – джан сакълар.
- Къумурсхала джыйылсала, пилни да джыгъадыла.
- Ачны эсинде – аш.
- Ётюрюкню башын керти кесер.
- Тойгъа барсанг, тоюб бар, эски тонунгу къоюб бар.
- Болджал ишни бёрю ашар.
- Иши джокъну, сыйы джокъ.
- Къарыусузгъа кюлме, онгсузгъа тийме.
- Уруну арты – къуру.
- Байлыкъ болгъан джерде, тынчлыкъ джокъду.
- Тик ёргени, тик энгишгеси да болады.
- Дуния аламаты сен эсенг да, игиме деб айтма.
- Тас болгъан бычакъны сабы – алтын.
- Арбаз къынгырды да, ийнек сауалмайма.
- Кесинг сынамагъан затны, адамгъа буюрма.
- Берекет берсин деген джерде, берекет болур.
- Босагъа таш юйге кирмей эди, тыбыр таш эшикге чыкъмай эди.
- Аманнга да, игиге да оноусуз къатышма.
- Бюгюн дуния кибик, тамбла ахыратды.
- Рысхысына кёре, джаш ёсер, къышлыгъына кёре, мал ёсер.
- Аджал соруб келмез, келсе, къайтыб кетмез.
- Къыйынлы джети элни къайгъысын этер.
- Тамчы таш тешер.
- Байлыкъ тауусулур, билим тауусулмаз.
- Хансыз джомакъ болмаз.
- Къобан да къуру да къобханлай турмайды, адам да къуру да патчахлай турмайды.
- Халкъгъа джарагъан, джарлы къалмаз.
- Эте билген, этген этеди, эте билмеген, юретген этеди!
- Тилчиден кери бол.
- Керилген да, ургъан кибикди.
- Кенгеш болса, уруш болмаз.
- Башы ишлегенни, ауузу да ишлер.
- Джюрекден джюрекге джол барды.
- Ышармагъан – кюлмез, кюлмеген – къууанчны билмез.
- Айырылмаз джууугъунга, унутмаз сёзню айтма.
- Келинин тута билмеген, къул этер, къызын тута билмеген, тул этер.
- Ашда уялгъан – мухар, ишде уялгъан – хомух.
- Кёб ант этген, кёб ётюрюк айтыр.
- Таукел къуру къалмаз.
- Аз айтсам, кёб ангылагъыз.
- Хунаны тюбюн къазсанг, юсюнге ауар.
Профиль
|
|
|
|||