- Джаш къарыу бла кючлю, къарт акъыл бла кючлю.
- Уруну арты – къуру.
- Ётюрюкчюню шагъаты – къатында.
- Келгинчи, къонакъ уялыр, келгенден сора, къонакъбай уялыр.
- Бир абыннган – минг сюрюнюр.
- Тойгъан джерден туугъан джер игиди.
- Къызгъанчдан ычхыныр, мухардан ычхынмаз.
- Баш болса, бёрк табылыр.
- Къобан да къуру да къобханлай турмайды, адам да къуру да патчахлай турмайды.
- Мал ёлсе, сюек къалыр, адам ёлсе, иши къалыр.
- Алма терегинден кери кетмез.
- Битмегеннге сакъал – танг.
- Тыш элде солтан болгъандан эсе, кесинги элде олтан болгъан игиди!
- Телиге от эт десенг, юйюнге от салыр.
- Ашхы сёз таш тешер.
- Сабий кёргенин унутмаз.
- Тюзлюк шохлукъну бегитир.
- Къыз келсе, джумуш эте келеди, къатын келсе, ушакъ эте келеди.
- Азыкълы ат арымаз, къатыны аман джарымаз.
- Мал тутхан – май джалар.
- Юй ишлеген балта эшикде къалыр.
- Эллинг бла джау болсанг да, юйюнг бла джау болма.
- Ат да турмайды бир териде.
- Эр абынмай, эл танымаз.
- Ишни ахырын ойламай, аллын башлама.
- Тынгылагъан тынгы бузар.
- Ариу сёз – джаннга азыкъ, аман сёз – башха къазыкъ.
- Кимни – тили, тиши онглу, кимни – къолу, иши онглу.
- Къыз тиширыу кеси юйюнде да къонакъды.
- Эшекге миннген – биринчи айыб, андан джыгъылгъан – экинчи айыб.
- Ауузу аманнга «иги», деме.
- Къайтырыкъ эшигинги, къаты уруб чыкъма.
- Ёлген эшек бёрюден къоркъмайды.
- Бал чибинни ургъаны – ачы, балы – татлы.
- Ана къолу ачытмаз.
- Аджашханны ызындагъы кёреди, джангылгъанны джанындагъы биледи.
- Джангызны оту джарыкъ джанмаз!
- Чомарт бергенин айтмаз.
- Миллетни бойну – базыкъ, аны бла кюрешген – джазыкъ.
- Ашлыкъ – бюртюкден, джюн – тюкден.
- Уллу къазанда бишген эт, чий къалмаз.
- Иги – алгъыш этер, аман – къаргъыш этер.
- Тура эдим джата, къайдан чыкъды хата?
- Таугъа чыгъаллыкъ эсенг, тюзде къалма.
- Адебни адебсизден юрен.
- Таула не мийик болсала да, аууш табылыр.
- Окъ къызбайны джокълайды.
- Акъыл бла адеб эгизледиле.
- Тилчиден кери бол.
- Башда акъыл болмаса, эки аякъгъа кюч джетер.
Профиль
|
|
|||