- Адам туугъан джеринде, ит тойгъан джеринде.
- Эринчекге кюн узун.
- Нафысынгы айтханын этме, намысынгы айтханын эт.
- Биреуге аманлыкъ этиб, кесинге игилик табмазса.
- Арба аугъандан сора, джол кёргюзтюучю кёб болур.
- Биреуню къыйынлыгъы бла кесинге джол ишлеме.
- Къыз келсе, джумуш эте келеди, къатын келсе, ушакъ эте келеди.
- Баланы адам этген анады.
- Джюрек кёзден алгъа кёрюр.
- Адебни адебсизден юрен.
- Чомарт къолда мал къалмаз.
- Ёнгкюч къууана барыр, джылай келир.
- Тюзню ётмеги тюзде къалса да, тас болмаз.
- Агъач – джерни чырайы, кийим – эрни чырайы.
- Сабийликде юретмесенг, уллу болса – тюзелмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Суугъа – таянма, джаугъа – ийнанма.
- Айтханы чапыракъдан ётмеген.
- Аман адам этегингден тутса, кес да къач.
- Тау башында, тау болмаз, джангыз терек, бау болмаз.
- Итли къонакъ джарашмаз.
- Билген билмегенни юретген адетди.
- Ашда – бёрю, ишде – ёлю.
- Хар адамгъа кеси миннген тау кибик.
- Къызгъанчдан ычхыныр, мухардан ычхынмаз.
- Къуру гыбыт бек дыгъырдар.
- Кёлю джокъну – джолу джокъ.
- Ёзденликни джайгъан – джокълукъ.
- Бозанг болмагъан джерге, къалагъынгы сукъма.
- Сууда джау джокъ, кёб сёзде магъана джокъ.
- Эркишини аманы тиширыуну джылатыр.
- Чомартны къолу берекет.
- Нёгерсизни джолу узун.
- Эрни эр этерик да, къара джер этерик да, тиширыуду.
- Къыйынлы джети элге оноу этер.
- Артына баргъанны, къатына барма.
- Къонакъ аман болса, къонакъбай джунчур
- Ач отунчуну ачыуу – бурнунда.
- Мухар, кеси тойса да, кёзю тоймаз.
- Кюн кёрмеген, кюн кёрсе, кюндюз чыракъ джандырыр.
- Биреу къой излей, биреу той излей.
- Адамны аты башхача, акъылы да башхады.
- Нарт сёз къарт болмаз.
- Эшекни не къадар тюйсенг да, ат болмаз.
- Ойнай билмеген, уруб къачар.
- Акъыллы – эл иеси, тели – эл баласы.
- Элде адам къалмаса, ит тахтагъа минер.
- Урама да – ёледи, сатама да – келеди.
- Акъыллы башны – тили къысха.
- Игини сыйлагъан адетди.
Профиль
|
|
|
|||