- Къонагъынгы артмагъын алма да, алгъышын ал.
- Ётюрюк хапар аякъ тюбю бла джюрюйдю.
- Элге къуллукъ этмеген, элге ие болмаз.
- Махтаннган къыз, тойда джукълар.
- Къая джолда джортма, ачыкъ сёзден къоркъма.
- Эл тойса, тоймагъан, эл къойса, къоймагъан.
- Къаллай салам берсенг, аллай джууаб алырса.
- Ашха уста, юйюнде болсун
- Эли джокъну – кёлю джокъ.
- Хар сёзню орну барды.
- Билим ат болуб да чабар, къуш болуб да учар.
- Аджашхан тёгерек айланыр.
- Эл ауузу – элия.
- Ата Джуртун танымагъан, атасын да танымаз.
- Дуния мал дунияда къалады.
- Бермеген къол, алмайды.
- Къайгъы тюбю – тенгиз.
- Булут кёкге джарашыу, уят бетге джарашыу.
- Тау башында, тау болмаз, джангыз терек, бау болмаз.
- Джангызны оту джарыкъ джанмаз!
- Аш иеси бла татлыды.
- Экеу тутушса, биреу джыгъылыр.
- Ашхы атаны – джашы ашхы, ашхы ананы – къызы ашхы.
- Ашхы тенг джолгъа салыр, аман тенг джолдан тайдырыр.
- Термилгенинги табмазса, кюлгенинге тюберсе.
- Мухардан ач ычхынмаз.
- Борчунг бар эсе, хурджунунга ойлаб узал.
- Ашаса, ашамаса да, бёрюню ауузу – къан.
- Тойгъандан сора, ашны сёкме.
- Таш бла ургъанны, аш бла ур.
- Чакъырылмагъан джерге барма, чакъырылгъан джерден къалма.
- Тамбла алтындан бюгюн багъыр ашхы.
- Баргъанынга кёре болур келгенинг.
- Ойнай билмеген, оюн бузар.
- Тин – байлыгъынг, терен саулугъунг.
- Эки къатын алгъан – эки ташны ортасына башын салгъан.
- Алим болгъандан эсе, адам болгъан къыйынды.
- Эринчекге кюн узун.
- Сангырау къулакъ эл бузар.
- Таякъ этден ётер, тил сюекден ётер.
- Тюзлюк шохлукъну бегитир.
- Хунаны тюбюн къазсанг, юсюнге ауар.
- Сёз – кюмюш, джыр – алтын.
- Джырына кёре эжиую.
- Ашда – бёрю, ишде – ёлю.
- Адам къаллай бир ишленмесе, аллай бир кесин уллу кёреди.
- Къазанда болса, чолпугъа чыгъар.
- Эм ашхы къайын ана мамукъ бла башынгы тешер.
- Чабакъ башындан чирийди.
- Къайтырыкъ эшигинги, къаты уруб чыкъма.
Профиль
|
|
|||