- Ата – баланы уясы.
- Ариу джол аджал келтирмез.
- Тойгъан джерге джети къайт.
- Душманны тышы – акъ, ичи – къара.
- Берекет берсин деген джерде, берекет болур.
- Окъдан джара эртде-кеч болса да бителир, сёз джара, ёмюрге къалыр.
- Халкъны юйю – туугъан джери.
- Къарт айтханны этмеген, къартаймаз.
- Аурууну келиую тынч, кетиую – къыйын.
- Иги болса, тамадама – махтау, аман болса, меннге – айыб.
- Адамны джюреги нени кёрюрге сюйсе, кёзю да аны кёрюрге ёч болады.
- Къызбайны юйюне дери сюрсенг, батыр болур.
- Сакъалы текени да бар, мыйыгъы киштикни да бар.
- Кютгени беш эчки, сызгъыргъаны уа, джерни джарады.
- Джарлы тюеге минсе да, ит къабар.
- Гыдай эчки суугъа къараб, мюйюзле кёрмесе, джашма алкъын, дегенди.
- Айранын берсенг, челегин да къызгъанма.
- Кёб джат да, бек чаб.
- Джарлыны эшигин махтагъан джабар.
- Байны оноуу, джарлыгъа джарамаз.
- Эркишини аманы тиширыуну джылатыр.
- Байлыкъ болгъан джерде, тынчлыкъ джокъду.
- Ашхылыкъ джерде джатмайды, аманлыкъ суугъа батмайды.
- Ишленмеген джаш – джюгенсиз ат, ишленмеген къыз – тузсуз хант.
- Окъ къызбайны джокълайды.
- Сескекли кесин билдирир.
- Босагъа таш юйге кирмей эди, тыбыр таш эшикге чыкъмай эди.
- Ётюрюкчюню шагъаты – къатында.
- Къарыусузгъа кюлме, онгсузгъа тийме.
- Эрине къаргъыш этген къатын, эрнин къабар.
- Байлыкъдан саулукъ ашхыды.
- Ётюрюкню башын керти кесер.
- Тюкюрюк баш джармаз, налат кёз чыгъармаз!
- Суу ичген шауданынга тюкюрме.
- Ёгюзню мюйюзюнден тутадыла, адамны сёзюнден тутадыла.
- Джерни букъусу кёкге къонмаз.
- Ат басханны джер билед.
- Ауурну тюбю бла, дженгилни башы бла джюрюген.
- Айырылгъанланы айю ашар, бёлюннгенлени бёрю ашар.
- Тёгюлген тюгел джыйылмайды.
- Ойнай-ойнай кёз чыгъар.
- Джырына кёре эжиую.
- Ёлген аслан – сау чычхан.
- Биреуню эскиси биреуге джангы болмайды.
- Таугъа чыгъаллыкъ эсенг, тюзде къалма.
- Ашыкъгъанны этеги бутуна чырмалыр.
- Джылыгъа джылан илешир.
- Ишлегенден, къарагъан уста.
- Ач да бол, токъ да бол – намысынга бек бол.
- Бал чибинни ургъаны – ачы, балы – татлы.
Профиль
|
|
|
|||