- Кёзюнде тереги болгъан, чёбю болгъаннга кюле эди.
- Тойчу джашха къарама, къойчу джашха къара.
- Къан бла кирген, джан бла чыгъар.
- Артына баргъанны, къатына барма.
- Биреуню эскиси биреуге джангы болмайды.
- Къайгъы тюбю – тенгиз.
- Адамны артындан къара сабан сюрме.
- Ашха уста, юйюнде болсун
- Сабийни джумушха джибер да, ызындан бар.
- Адамны аты башхача, акъылы да башхады.
- Бети – къучакълар, джюреги – бычакълар.
- Келинни – келгинчи, бёркню кийгинчи кёр.
- Гырджын – тепсини тамадасы.
- Эрни эр этерик да, къара джер этерик да, тиширыуду.
- Ашда уялгъан – мухар, ишде уялгъан – хомух.
- Эллинг бла джау болсанг да, юйюнг бла джау болма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айтылгъан буйрукъ, сёгюлмез
- Таш ата билмеген, башына урур.
- Бир онгсуз адам адет чыгъарды, деб эштирик тюлсе.
- Ариу сёз – джаннга азыкъ, аман сёз – башха къазыкъ.
- Ашхы атаны – джашы ашхы, ашхы ананы – къызы ашхы.
- Ачлыкъ отха секиртир.
- Кёз – сюйген джерде, къол – ауругъан джерде.
- Ёксюзню тилеги къабыл болур.
- Эм ашхы къайын ана мамукъ бла башынгы тешер.
- Адамны бетине къарама, адетине къара.
- Дуния аламаты сен эсенг да, игиме деб айтма.
- Акъыл сабырлыкъ берир.
- Джарлы джети элни сёзюн этер.
- Этек чакъмакълары баш джаргъан, сёлешген сёзлери таш джаргъан.
- Мадар болса, къадар болур.
- Аурууну келиую тынч, кетиую – къыйын.
- Алтыннга тот къонмаз.
- Эл тойса, тоймагъан, эл къойса, къоймагъан.
- Къалгъан ишге къар джауар.
- Ёгюзню мюйюзлери ауурлукъ этмейдиле.
- Тешик этген тынчды, аны джамагъан къыйынды.
- Кёб джашагъан – кёб билир.
- Бичгенде ашыкъма, тикгенде ашыкъ.
- Уясында не кёрсе, учханында аны этер.
- Башсыз урчукъ тюзюне айланмаз.
- Этим кетсе да, сюегим къалыр.
- Кёл ашады да, кеси ашады.
- Ач отунчуну ачыуу – бурнунда.
- Сёз – кюмюш, джыр – алтын.
- Бек ашыкъгъан меннге джетсин, дегенди аракъы.
- Окъ къызбайны джокълайды.
- Эринчекни аурууу – кёб.
- Элге къуллукъ этмеген, элге ие болмаз.
Профиль
|
|
|||