- Дууулдаса – бал чибин, къонса – къара чибин.
- Чёбню кёлтюрсенг, тюбюнден сёз чыгъар.
- Келинин тута билмеген, къул этер, къызын тута билмеген, тул этер.
- Къарнынг тойгъунчу аша да, белинг талгъынчы ишле.
- Ауузу бла къуш тута айланады.
- Ашхы атаны – джашы ашхы, ашхы ананы – къызы ашхы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ётген ёмюр – акъгъан суу.
- Хар ишни да аллы къыйынды.
- Мураты болгъанны джюрек тебюую башхады.
- Эте билген, этген этеди, эте билмеген, юретген этеди!
- Тулпарлыкъ, билекден тюл – джюрекден.
- Гугурук къычырмаса да, тангны атары къалмаз.
- «Ма», - дегенни билмесенг, «бер», - дегенни билмезсе.
- Бойнуму джети джерден кессенг да, мен ол ишни этеллик тюлме.
- Таугъа чыгъаллыкъ эсенг, тюзде къалма.
- Джукъу тёшек сайламайды.
- Джигер – джаннга къыйынлыкъ.
- Тынгылагъан тынгы бузар.
- Къанны къан бла джуума, аманны аман бла къуума.
- Джылар джаш, атасыны сакъалы бла ойнар.
- Къартха ушагъан джаш – акъыллы, джашха ушагъан къарт – тели.
- Къаллай салам берсенг, аллай джууаб алырса.
- Аш кетер да бет къалыр.
- Кенгеш болса, уруш болмаз.
- Хатерли къул болур.
- Чомарт джарлы болмаз.
- Дуния аламаты сен эсенг да, игиме деб айтма.
- Сакъламагъан затынга джолукъсанг, не бек къууанаса, не бек ачыйса.
- Эл элде бирер малынг болгъандан эсе, бирер тенгинг болсун.
- Айран тёгюлсе, джугъусу къалыр.
- Битмегеннге сакъал – танг.
- Къыз чыгъаргъан – къызыл къымжа.
- Эр абынмай, эл танымаз.
- Уллу айтханны этмеген – уллаймаз.
- Тёгюлген тюгел джыйылмайды.
- Ана къойну – балагъа джандет.
- Кёкдеги болмаса, джердегин кёрмейди.
- Ач да бол, токъ да бол – намысынга бек бол.
- Накъырданы арты керти болур.
- Аман адам этегингден тутса, кес да къач.
- Ёгюзню мюйюзюнден тутадыла, адамны сёзюнден тутадыла.
- Джаз бир кюнню джатсанг, къыш талай кюнню абынырса.
- Рысхысына кёре, джаш ёсер, къышлыгъына кёре, мал ёсер.
- Адам туугъан джеринде, ит тойгъан джеринде.
- Туз, гырджын аша, тюзлюк бла джаша.
- Иги адам абынса да, джангылмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ёмюрлюк шохлукъну джел элтмез.
- Адам къыйынлыгъын кёлтюрюр, зауукълугъун кёлтюрмез.
Профиль
|
|
|||