- Тулпарлыкъ, билекден тюл – джюрекден.
- Акъыл сабырлыкъ берир.
- Къызны минг тилер, бир алыр.
- Шекер бла туз – бир болмаз, ушамагъан – юй болмаз.
- Элиб деген, элге болушур.
- Ишни аллы бла къууанма да, арты бла къууан.
- Чакъырылмай келген къонакъ сыйланмай кетер.
- Билмезни кёзю кёрмез, этмезни къулагъы эшитмез.
- Ургъан суудан башынгы сакъла.
- Къонагъынгы артмагъын алма да, алгъышын ал.
- Ойнай билмеген, уруб къачар.
- Эркиши – от, тиширыу – суу.
- Джол бла сёзню къыйыры джокъ.
- Ата Джуртча джер болмаз, туугъан элча эл болмаз.
- Ханы къызы буюгъа-буюгъа киштик болду.
- Узун джолну барсанг, бюгюн келирсе, къысха джолну барсанг, тамбла келирсе.
- Кесине гебен этелмеген, биреуге черен эте эди.
- Къазанчы аман болса, къазаны къайнамаз.
- Халкъгъа джарагъан, джарлы къалмаз.
- Намысы джокъну – дуниясы джокъ.
- Аманны тукъумуна къарама, игини тукъумун сорма.
- Ишленмеген джаш – джюгенсиз ат, ишленмеген къыз – тузсуз хант.
- Ушамагъан – джукъмаз.
- Татлы сёз – балдан татлы.
- Суу да къайтады чыкъгъан джерине.
- Къар – келтирди, суу – элтди.
- Келинин тута билмеген, къул этер, къызын тута билмеген, тул этер.
- Эм уллу байлыкъ – джан саулукъ.
- Иги джашны ышаны – аз сёлешиб, кёб тынгылар.
- Аш берме да, къаш бер.
- Билмегенинги, билгеннге сор.
- Акъыл аздырмаз, билим тоздурмаз.
- Джашлыкъ этмеген, башлыкъ этмез.
- Джети тилни билген джети кишиди.
- Адеб джокъда, намыс джокъ.
- Джыланны къуйругъундан басарынг келсе, аны башы болгъанын унутма.
- Эл элде бирер малынг болгъандан эсе, бирер тенгинг болсун.
- Кийиминг бла танылма, адамлыкъ бла таныл.
- Къарын къуру болса, джюрек уру болур.
- Кёбге таш атма.
- Чомартха хар кюн да байрамды.
- Къартха ушагъан джаш – акъыллы, джашха ушагъан къарт – тели.
- Сормай – алма, чакъырылмай – барма.
- Хансыз джомакъ болмаз.
- Дуния малгъа сатылма, кесингден телиге къатылма.
- Керилген да, ургъан кибикди.
- Айтылгъан буйрукъ, сёгюлмез
- Келгинчи, къонакъ уялыр, келгенден сора, къонакъбай уялыр.
- Булут кёкге джарашыу, уят бетге джарашыу.
- Миллетни бойну – базыкъ, аны бла кюрешген – джазыкъ.
Профиль
|
|
|
|||