- Билими азны – ауузунда кирит.
- Окъуусуз билим – джокъ, билимсиз кюнюнг – джокъ.
- Башы ишлегенни, ауузу да ишлер.
- Айныгъанлы алты кюн, тогъайгъанлы тогъуз кюн.
- Сормай – алма, чакъырылмай – барма.
- Джюрек кёзден алгъа кёрюр.
- Къыз чыгъаргъан – къызыл къымжа.
- Ойнай билмеген, оюн бузар.
- Намысы джокъну – дуниясы джокъ.
- Аджашханны ызындагъы кёреди, джангылгъанны джанындагъы биледи.
- Суу кетер, таш къалыр.
- Игини сыйлагъан адетди.
- Тели турса – той бузар.
- Къарны аманнга къазан такъдырма, къолу аманнга от джакъдырма.
- Аш иеси бла татлыды.
- Джарлы тюеге минсе да, ит къабар.
- Эки къатын алгъанны къулагъы тынгнгаймаз.
- Ёксюзню къалачы уллу кёрюнюр.
- Кёб джашагъан – кёб билир.
- Джеринден айырылгъан – джети джылар, джуртундан айырылгъан – ёлгюнчю джылар.
- Душманны тышы – акъ, ичи – къара.
- Алгъанда – джууукъ, бергенде – джау.
- Биреу къой излей, биреу той излей.
- Джюрекден джюрекге джол барды.
- Элиб деген, элге болушур.
- От этилмеген джерден тютюн чыкъмайды.
- Иги болса, тамадама – махтау, аман болса, меннге – айыб.
- Тил бла келеди джыр да.
- Джангызны оту джарыкъ джанмаз!
- Къаллай салам берсенг, аллай джууаб алырса.
- Мадар болса, къадар болур.
- Сууда джау джокъ, кёб сёзде магъана джокъ.
- Ата – билек, ана – джюрек!
- Намыс болмагъан джерде, насыб болмаз.
- Кёзню ачылгъаны – иги, ауузну джабылгъаны – иги.
- Хар сёзню орну барды.
- Къулакъдан эсе, кёзге ышан.
- Эринчекге кюн узун.
- Къарнынг тойгъунчу аша да, белинг талгъынчы ишле.
- Адеби болмагъан къыз – тузсуз хант.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сескекли кесин билдирир.
- Ишлегенде эринме, ишде чолакъ кёрюнме.
- Тюз сёз баргъан сууну тыяр.
- Ана – юйню кюн джарыгъы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сангырау къулакъ эл бузар.
- Мал кёб болса, джууукъ кёб болур.
- Акъдан къара болмаз.
- Джиби бир къат джетмей эди да, эки къат тарта эди.
Профиль
|
|
|
|||