- Чабакъгъа акъыл, табагъа тюшсе келеди.
- Джарлы джети элни сёзюн этер.
- Алтыннга тот къонмаз.
- Нарт сёз къарт болмаз.
- Босагъагъа джууукъ орун болса, ашыгъыб тёрге озма.
- Ач къалгъандан, кеч къалгъан къолай.
- Джарлыны эшигин махтагъан джабар.
- Къызны минг тилер, бир алыр.
- Таякъ этден ётер, тил сюекден ётер.
- Экеу тутушса, биреу джыгъылыр.
- Гырджын – тепсини тамадасы.
- Кёзден кетген, кёлден да кетеди.
- Уллу суу бла уллу ауруудан башынгы сакъла.
- Сабийни джумушха джибер да, ызындан бар.
- Тура эдим джата, къайдан чыкъды хата?
- Мухарны эси – ашарыкъда.
- Байны оноуу, джарлыгъа джарамаз.
- Къоркъакъны кёзю экили кёрюр.
- Керти сёзге тёре джокъ.
- Асхат ашлыкъ сата, юйдегиси ачдан къата.
- Билмезни кёзю кёрмез, этмезни къулагъы эшитмез.
- Магъанасыз сёз – тауушсуз сыбызгъы.
- Акъылсызны джууукъгъа алма, акъыллыны кенгнге салма.
- Аууздан келген, къолдан келсе, ким да патчах болур эди.
- Игини сыйлагъан адетди.
- Сыфатында болмагъаны, суратында болмаз.
- Дуния мал дунияда къалады.
- Суу кетер, таш къалыр.
- Ёзденликни джайгъан – джокълукъ.
- Ата – баланы уясы.
- Сютню башын джалагъан къутулур, тюбюн ичген тутулур.
- Джарлы эскисин джамаса, къууаныр.
- Терслик кетер, тюзлюк джетер.
- Дуния аламаты сен эсенг да, игиме деб айтма.
- Арбаз сайлама да, хоншу сайла.
- Булут кёкге джарашыу, уят бетге джарашыу.
- Иши джокъну, сыйы джокъ.
- Къызгъанчдан ычхыныр, мухардан ычхынмаз.
- Къыз келсе, джумуш эте келеди, къатын келсе, ушакъ эте келеди.
- Къарын къуру болса, джюрек уру болур.
- Биреуге кёлтюрген таягъынг, кесинги башынга урур.
- Джерни букъусу кёкге къонмаз.
- Кёлю джокъну – джолу джокъ.
- Тилде сюек болмаса да, сюек сындырыр.
- Ат басханны джер билед.
- Чыбыкълыкъда бюгюлмеген, къазыкълыкъда бюгюлмей эди.
- Кёпюр салгъан кеси ётер, уру къазгъан кеси кетер.
- Ашыкъгъанны этеги бутуна чырмалыр.
- Ариу сёзде ауруу джокъ.
- Телиге от эт десенг, юйюнге от салыр.
Профиль
|
|
|
|||