Эльбрусоид :: Форум

Акъыл бла адеб эгизледиле.
Эте билген, этген этеди, эте билмеген, юретген этеди!
Эки къатын алгъан – эки ташны ортасына башын салгъан.
Малны кют, джерни тюрт.
Къазанда болса, чолпугъа чыгъар.
Кирсизни – саны таза, халалны – къаны таза.
Сёз къанатсыз учар.
Адеб джокъда, намыс джокъ.
Сютден ауузу кюйген, суугъа юфгюре эди.
Биреуге аманлыкъ этиб, кесинге игилик табмазса.
Ойнаб айтсанг да, эслеб айт.
Юй ишлеген балта эшикде къалыр.
Юре билмеген ит, къонакъ келтирир.
Ёлмесенг да, къарт дамы болмазса?
Аджашхан тёгерек айланыр.
Аман адам этегингден тутса, кес да къач.
Акъыл къартда, джашда тюйюлдю – башдады.
Бермеген къол, алмайды.
Агъач халкъгъа алтынды, иссиликге салкъынды.
Ат басханны джер билед.
Къонакъ болсанг, ийнакъ бол.
Ётюрюкден тюбю джокъ, кёлтюрюрге джиби джокъ.
Ауурну тюбю бла, дженгилни башы бла джюрюген.
Мен да «сен», дейме, сен да «кесим», дейсе.
Къар – келтирди, суу – элтди.
Дуния аламаты сен эсенг да, игиме деб айтма.
Атадан ёксюз – бир ёксюз, анадан ёксюз – эки ёксюз.
Сабийликде юретмесенг, уллу болса – тюзелмез.
Терслик кетер, тюзлюк джетер.
Тёрдеги кюлсе, эшикдеги ышарыр.
Чабакъгъа акъыл, табагъа тюшсе келеди.
Иги болса, тамадама – махтау, аман болса, меннге – айыб.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Экеу тутушса, биреу джыгъылыр.
Таш бла ургъанны, аш бла ур.
Мал ёлсе, сюек къалыр, адам ёлсе, иши къалыр.
От этилмеген джерден тютюн чыкъмайды.
Эркишиге тары кебек танг кёрюнюр.
Танг атмайма десе да, кюн къоярыкъ тюйюлдю.
Тили узунну, намысы – къысха.
Тыш элде солтан болгъандан эсе, кесинги элде олтан болгъан игиди!
Бетинги сатма, малынгы сат.
Азыкъ аз болса, эртде орун сал.
Шайтан алдады, тюзлюк къаргъады.
Къызны минг тилер, бир алыр.
Ашына кёре табагъы, балына кёре къалагъы.
Къазанчы аман болса, къазаны къайнамаз.
Аз айтсам, кёб ангылагъыз.
Тюкюрюк баш джармаз, налат кёз чыгъармаз!
Итли къонакъ джарашмаз.

Логин:
Пароль:
	Запомнить меня на этом компьютере

Забыли свой пароль?
Регистрация