- Тюзню ётмеги тюзде къалса да, тас болмаз.
- Уясында не кёрсе, учханында аны этер.
- Къарнынг бла ёч алма.
- Кютгени беш эчки, сызгъыргъаны уа, джерни джарады.
- Джаш къарыу бла кючлю, къарт акъыл бла кючлю.
- Джетген къыз джерли эшекни танымаз.
- Къарт бла баш аша, джаш бла аякъ аша.
- Къазанны башы ачыкъ болса, итге уят керекди.
- Намысы болмагъанны, сыйы болмаз.
- Тойгъан антын унутур.
- Урунуу – насыбны анасы.
- Аман эсирсе, юйюн ояр.
- Ачылгъан эт джабылыр, кёрген кёз унутмаз.
- Баланы адам этген анады.
- Ариу – кёзге, акъыл – джюрекге.
- Адам сёзюнден белгили.
- Иги джашны ышаны – аз сёлешиб, кёб тынгылар.
- Айтхан – тынч, этген – къыйын.
- Дуния мал дунияда къалады.
- Чыбыкълыкъда бюгюлмеген, къазыкълыкъда бюгюлмей эди.
- Намысы джокъну – дуниясы джокъ.
- Ашда уялгъан – мухар, ишде уялгъан – хомух.
- Сакъ юйюне сау барыр.
- Тенгни тенглиги джашай барсанг билинир.
- Сёз сёзню айтдырыр.
- Таш бла ургъанны, аш бла ур.
- Ашатыргъа иш – ашхы, ишлетирге аш – ашхы.
- Мал кёб болса, джууукъ кёб болур.
- Джарлы эскисин джамаса, къууаныр.
- Чарсда алчыны эл кёреди.
- Харам къарнашдан, халал тенг ашхы.
- Тыш элде солтан болгъандан эсе, кесинги элде олтан болгъан игиди!
- Къазанда болса, чолпугъа чыгъар.
- Аман адам элни бир-бирине джау этер.
- Илму – джашауну джолу.
- Джаным-тиним – окъуу, билим.
- Тил – миллетни джаны.
- Элиб деген, элге болушур.
- Сагъышы джокъ – джукъучу, акъылы джокъ – къаугъачы.
- Джаралыны джастыгъында сау ёлюр.
- Шайтан алдады, тюзлюк къаргъады.
- Къар – келтирди, суу – элтди.
- Тойну къарнашы – харс, джырны къарнашы – эжиу.
- Тилде сюек болмаса да, сюек сындырыр.
- Олтуруб кёрюнмей эди да, ёрге туруб кёрюне эди.
- Нафысынгы айтханын этме, намысынгы айтханын эт.
- Аш иеси бла татлыды.
- Къартны бурнун сюрт да, оноугъа тут.
- Джангыз терек къынгыр ёсер.
- Джюз элде джюз ёгюзюм болгъандан эсе, джюз джууугъум болсун.
Профиль
|
|
|||