Эльбрусоид :: Форум

Эл тойса, тоймагъан, эл къойса, къоймагъан.
Ауругъанны сау билмез, ач къарынны токъ билмез.
Ачыу алгъа келсе, акъыл артха къалады.
Сескекли кесин билдирир.
Къонагъы джокъну – шоху джокъ.
Нафысынгы айтханын этме, намысынгы айтханын эт.
Аджашхан тёгерек айланыр.
Адеб этмеген, адеб кёрмез.
Айран ичген – къутулду, джугъусун джалагъан – тутулду.
Ариу сёз джыланны орнундан чыгъарыр.
Джарлы тюеге минсе да, ит къабар.
Ана – юйню кюн джарыгъы.
Джарлы эскисин джамаса, къууаныр.
«Ма», - дегенни билмесенг, «бер», - дегенни билмезсе.
Окъуу – билимни ачхычы, окъуу – дунияны бачхычы.
Джарлы джети элни сёзюн этер.
Ёзденликни джайгъан – джокълукъ.
Ашхы адам – халкъ байлыгъы, ашхы джер – джашау байлыгъы.
Билеги кючлю, бирни джыгъар, билими кючлю, мингни джыгъар.
Баш болса, бёрк табылыр.
Сабийни джумушха джибер да, ызындан бар.
Тюзлюк тас болмайды.
Кёлю джокъну – джолу джокъ.
Итли къонакъ джарашмаз.
Уллу атлама – абынырса, уллу къабма – къарылырса.
Къарын къуру болса, джюрек уру болур.
Эркишини аманы тиширыуну джылатыр.
Танг атмайма десе да, кюн къоярыкъ тюйюлдю.
Ёпкелегенни ашы татлы болады.
Джарлыны тону джаз битер.
Адебсиз адам – джюгенсиз ат.
Кёзден кетген, кёлден да кетеди.
Джырчы джырчыгъа – къарнаш.
Терслик кетер, тюзлюк джетер.
Къарнынг ауруса, ауузунгу тый
Алим болгъандан эсе, адам болгъан къыйынды.
Булут кёкге джарашыу, уят бетге джарашыу.
Сёз садакъдан кючлюдю.
Билим – акъылны чырагъы.
Бал – татлы, балдан да бала – татлы.
Адамны адамлыгъы къыйынлыкъда айгъакъланады.
Билмезни кёзю кёрмез, этмезни къулагъы эшитмез.
Уллу сёзде уят джокъ.
Ашарыкъда сайлагъаннга – чий гырджын.
Тойчу джашха къарама, къойчу джашха къара.
Ашаса, ашамаса да, бёрюню ауузу – къан.
Ариу сёз – къылычдан джити.
Биреуню къыйынлыгъы бла кесинге джол ишлеме.
Иги адамны бир сёзю эки болмаз.
Иги – алгъыш этер, аман – къаргъыш этер.

Логин:
Пароль:
	Запомнить меня на этом компьютере

Забыли свой пароль?
Регистрация