- Айтылгъан сёз ызына къайтмаз.
- Джаралыны джастыгъында сау ёлюр.
- Ач отунчуну ачыуу – бурнунда.
- Айран ичген – къутулду, джугъусун джалагъан – тутулду.
- Адамны сабийин сюйген джюреги, бычакъча, джитиди.
- Оюмсуз атлагъан, аджалсыз ёлюр.
- Башы джабылгъан челекге, кир тюшмез.
- Юй кюйдю да, кюйюз чыкъды, ортасындан тюйюш чыкъды.
- Игилик игилик бла сингдирилиучю затды.
- Адебсиз адам – джюгенсиз ат.
- Кесине оноу эте билмеген, халкъына да эте билмез.
- Биреуню тёрюнден, кесинги эшик артынг игиди.
- Кёрмегеннге кебек – танг, битмегеннге сакъал – танг.
- Алим болгъандан эсе, адам болгъан къыйынды.
- Тёрдеги кюлсе, эшикдеги ышарыр.
- Аманнга игилик этсенг, юйюнге сау бармазса.
- Чёбню кёлтюрсенг, тюбюнден сёз чыгъар.
- Келинин тута билмеген, къул этер, къызын тута билмеген, тул этер.
- Къонакъ болсанг, ийнакъ бол.
- Кюлме джашха – келир башха.
- Кёл ашады да, кеси ашады.
- Бети къызарыучу адамны, джюреги харам болмаз.
- Орну джокъну – сыйы джокъ.
- Ургъан суудан башынгы сакъла.
- Сёз сёзню айтдырыр.
- Рысхы – сют юсюнде кёмюк кибикди.
- Абынмазлыкъ аякъ джокъ, джангылмазлыкъ джаякъ джокъ.
- Гитче джилтин уллу элни джандырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Тёзгеннге, джабылгъан эшик ачылыр.
- Тура эдим джата, къайдан чыкъды хата?
- Къызгъанчдан ычхыныр, мухардан ычхынмаз.
- От этилмеген джерден тютюн чыкъмайды.
- Чакъырылмагъан джерге барма, чакъырылгъан джерден къалма.
- Бичгенде ашыкъма, тикгенде ашыкъ.
- Эр сокъур болсун, къатын тилсиз болсун.
- Айтхан – тынч, этген – къыйын.
- Мал кёб болса, джууукъ кёб болур.
- Къонакъ хазыр болгъанлыкъгъа, къонакъбай хазыр тюлдю.
- Хар ишни да аллы къыйынды.
- Тойгъан джерге джети къайт.
- Атынг аманнга чыкъгъандан эсе, джанынг тамагъынгдан чыкъсын.
- Джылкъыдан – ат чыгъар, тукъумдан – джаш чыгъар.
- Ачыкъ джюрекге джол – ачыкъ.
- Мухарны эси – ашарыкъда.
- Къатын байлыкъны сюер, эр саулукъну сюер.
- Къарын къуру болса, джюрек уру болур.
- Чомарт бергенин айтмаз.
- Джашда акъыл джокъ, къартда къарыу джокъ.
- Къайгъыны сюйген, къайгъы табар.
Профиль
|
|
|||