- Тулпарлыкъ, билекден тюл – джюрекден.
- Миллетни бойну – базыкъ, аны бла кюрешген – джазыкъ.
- Ашда уялгъан – мухар, ишде уялгъан – хомух.
- Сагъышы джокъ – джукъучу, акъылы джокъ – къаугъачы.
- Юй ишлеген балта эшикде къалыр.
- Эки ойлашыб, бир сёлешген.
- Къазанчы аман болса, къазаны къайнамаз.
- Билеги кючлю, бирни джыгъар, билими кючлю, мингни джыгъар.
- Къарны аманнга къазан такъдырма, къолу аманнга от джакъдырма.
- Акъыллы эркиши атын махтар, акъылсыз эркиши къатынын махтар.
- Ач къалгъандан, кеч къалгъан къолай.
- Накъырданы арты керти болур.
- Билими азны – ауузунда кирит.
- Ашлыкъ – бюртюкден, джюн – тюкден.
- Тойчу джашха къарама, къойчу джашха къара.
- Чакъырылмай келген къонакъ сыйланмай кетер.
- Джолунга кёре – джюрюшюнг, джагъанга кёре – юлюшюнг.
- Эри аманны, къатыны – аман.
- Аджалсыз ёлюм болмаз.
- Ишге юренсин къоллары, халкъ бла болсун джоллары.
- Къонагъынгы артмагъын алма да, алгъышын ал.
- Тойгъанлыкъ къойгъа джарашады.
- Хантына кёре тузу, юйюне кёре къызы.
- Джаш къарыу бла кючлю, къарт акъыл бла кючлю.
- Биреуге аманлыкъны тилеме да, кесинге ашхылыкъны тиле.
- Aдам боллукъ, сыфатындан белгили.
- Бетинги сатма, малынгы сат.
- Термилгенинги табмазса, кюлгенинге тюберсе.
- Тил – миллетни джаны.
- Билмезни кёзю кёрмез, этмезни къулагъы эшитмез.
- Джарлыны эшигин махтагъан джабар.
- Ариу сёз аурууунгу алыр.
- Ёпкелегенни ашы татлы болады.
- Бал – татлы, балдан да бала – татлы.
- Башы джабылгъан челекге, кир тюшмез.
- Къолу уллу – асыу, аягъы уллу – джарсыу.
- Айранны сюйген, ийнек тутар.
- Ишленмеклик адамлыкъды.
- Суу ичген шауданынга тюкюрме.
- Арыгъан къош чамчы болур.
- Игилик игилик бла сингдирилиучю затды.
- Билгенни къолу къарны джандырыр.
- Тай асырагъан, атха минер.
- Алтыннга тот къонмаз.
- Чомартны къолун джокълукъ байлар.
- Зарда марда джокъ.
- Атлыны кёрсе, джаяуну буту талыр.
- Окъдан джара эртде-кеч болса да бителир, сёз джара, ёмюрге къалыр.
- Сакъалы текени да бар, мыйыгъы киштикни да бар.
- Айтхан сёзюне табылгъан.
Профиль
|
|
|||