- Чалманны аллы къалай башланса, арты да алай барады.
- Тёзгеннге, джабылгъан эшик ачылыр.
- Юйлю уругъа ит чабмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауругъанны сау билмез, ач къарынны токъ билмез.
- Ашха уста, юйюнде болсун
- Тойгъандан сора, ашны сёкме.
- Къоркъакъны кёзю экили кёрюр.
- Ёлмесенг да, къарт дамы болмазса?
- Ёзденликни джайгъан – джокълукъ.
- Билим ат болуб да чабар, къуш болуб да учар.
- Тас болгъан бычакъны сабы – алтын.
- Эл элде бирер малынг болгъандан эсе, бирер тенгинг болсун.
- Душманны тышы – акъ, ичи – къара.
- Тёгюлген тюгел джыйылмайды.
- Эки къатын алгъан – эки ташны ортасына башын салгъан.
- Итли къонакъ джарашмаз.
- Эшекни не къадар тюйсенг да, ат болмаз.
- Джан саулукъ бермей, сан саулукъ бермезсе.
- Къартны бурнун сюрт да, оноугъа тут.
- Джырына кёре эжиую.
- Адамны сабийин сюйген джюреги, бычакъча, джитиди.
- Намыс сатылыб алынмайды.
- Окъугъан – асыу, окъумагъан – джарсыу.
- Адам туугъан джеринде, ит тойгъан джеринде.
- Экеу тутушса, биреу джыгъылыр.
- Джюз элде джюз ёгюзюм болгъандан эсе, джюз джууугъум болсун.
- Киштикге къанат битсе, чыпчыкъ къалмаз эди.
- Кюл тюбюндеги от кёрюнмейди.
- Аурууну келиую тынч, кетиую – къыйын.
- Сёз къанатсыз учар.
- Ётюрюкню башын керти кесер.
- Къонагъы джокъну – шоху джокъ.
- Кийимни бир кюнню аясанг, минг кюннге джарар.
- Минг тенг да азды, бир джау да кёбдю.
- Эртде тургъан бла эртде юйленнген сокъуранмаз.
- Терслик кетер, тюзлюк джетер.
- Билмегенинги, билгеннге сор.
- Джыланны къуйругъундан басарынг келсе, аны башы болгъанын унутма.
- Къумурсхала джыйылсала, пилни да джыгъадыла.
- Тил – миллетни джаны.
- Тёрдеги кюлсе, эшикдеги ышарыр.
- Ишге юренсин къоллары, халкъ бла болсун джоллары.
- Термилгенинги табмазса, кюлгенинге тюберсе.
- Элге къуллукъ этмеген, элге ие болмаз.
- Тешигини къатында, чычхан да батыр болур.
- Къайгъы тюбю – тенгиз.
- Мал ёлсе, сюек къалыр, адам ёлсе, иши къалыр.
- Чомарт къолда мал къалмаз.
- Келгинчи, къонакъ уялыр, келгенден сора, къонакъбай уялыр.
Профиль
|
|
|||