- Биреуню эскиси биреуге джангы болмайды.
- Зар адам ашынгы ашар, кесинги сатар.
- Къарнынг тойгъунчу аша да, белинг талгъынчы ишле.
- Къая джолда джортма, ачыкъ сёзден къоркъма.
- Кёзюнде тереги болгъан, чёбю болгъаннга кюле эди.
- Болджал ишни бёрю ашар.
- Гитче джилтин уллу элни джандырыр.
- Тенги кёбню джау алмаз, акъылы кёбню дау алмаз.
- Къазанда болса, чолпугъа чыгъар.
- Тамырсыз терекге таянма – джыгъылырса.
- Ханы къызы буюгъа-буюгъа киштик болду.
- Къуллукъчума, деб махтанма, къуллукъ – хаух джамчыды!
- Эрни эр этерик да, къара джер этерик да, тиширыуду.
- Къарны аманнга къазан такъдырма, къолу аманнга от джакъдырма.
- Тилде сюек болмаса да, сюек сындырыр.
- Бир онгсуз адам адет чыгъарды, деб эштирик тюлсе.
- Къууут – джелге, берне – бошха.
- Ариу сёз – джаннга азыкъ, аман сёз – башха къазыкъ.
- Къызны минг тилер, бир алыр.
- Тёзген – тёш ашар!
- Нафысынгы айтханын этме, намысынгы айтханын эт.
- Тай асырагъан, атха минер.
- Накъырданы арты керти болур.
- Ауругъаннга – кийик саулукъ, джетген къызгъа – чилле джаулукъ.
- Экеу тутушса, биреу джыгъылыр.
- Мадар болса, къадар болур.
- Айныгъанлы алты кюн, тогъайгъанлы тогъуз кюн.
- Къыз чыгъаргъан – къызыл къымжа.
- Джырына кёре эжиую.
- Эл бла кёргенинг эрелей.
- Эри аманны, къатыны – аман.
- Къонакъ кёб келюучю юйню, къазаны отдан тюшмез.
- Джаханимни кёрмей, джандетге кёл салмазса.
- Эки къатын алгъанны къулагъы тынгнгаймаз.
- Кюлме джашха – келир башха.
- Аджашханны ызындагъы кёреди, джангылгъанны джанындагъы биледи.
- Минг тенг да азды, бир джау да кёбдю.
- Ишни аллы бла къууанма да, арты бла къууан.
- Байлыкъдан саулукъ ашхыды.
- Дуния аламаты сен эсенг да, игиме деб айтма.
- Чомартны къолу берекет.
- Ауурну тюбю бла, дженгилни башы бла джюрюген.
- Алим болгъандан эсе, адам болгъан къыйынды.
- Итли къонакъ джарашмаз.
- Къарнынг ауруса, ауузунгу тый
- Айтылгъан сёз ызына къайтмаз.
- Магъанасыз сёз – тауушсуз сыбызгъы.
- Асхат ашлыкъ сата, юйдегиси ачдан къата.
- Аш кетер да бет къалыр.
- Рысхы джалгъанды: келген да этер, кетген да этер.
Профиль
|
|
|||