- Джети тилни билген джети кишиди.
- Къая джолда джортма, ачыкъ сёзден къоркъма.
- Джаханимни кёрмей, джандетге кёл салмазса.
- Бет бетге къараса, бет да джерге къарар.
- Джыгъылгъанны сырты джерден тоймаз.
- Тюзлюк тас болмайды.
- Орундукъ тюбюнде атылсам да, орта джиликме, де да айлан.
- Таукелге нюр джауар.
- Таякъ этден ётер, тил сюекден ётер.
- Къуру гыбыт бек дыгъырдар.
- Ёлюр джаннга, ёкюл джокъ.
- Билими азны – ауузунда кирит.
- Кёз – сюйген джерде, къол – ауругъан джерде.
- Кёзюнде тереги болгъан, чёбю болгъаннга кюле эди.
- Чакъырылмагъан къонакъ тёрге атламаз.
- Келинин тута билмеген, къул этер, къызын тута билмеген, тул этер.
- Ашха уста, юйюнде болсун
- Ёгюзню мюйюзлери ауурлукъ этмейдиле.
- Байны къызы баймакъ болса да, юйде къалмаз!
- Байма, деб да, къууанма, джарлыма, деб да, джылама.
- Джаным-тиним – окъуу, билим.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Намысы джокъну – дуниясы джокъ.
- Оюмсуз атлагъан, аджалсыз ёлюр.
- Асхат ашлыкъ сата, юйдегиси ачдан къата.
- Уясында не кёрсе, учханында аны этер.
- Чомартны къолун джокълукъ байлар.
- Байны оноуу, джарлыгъа джарамаз.
- Аууз сакълагъан – джан сакълар.
- Джашлыкъ этмеген, башлыкъ этмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адам туугъан джеринде, ит тойгъан джеринде.
- Джырчы джырчыгъа – къарнаш.
- Ариу сёз аурууунгу алыр.
- Ач – эснер, ат – кишнер.
- Ариуну – ауруу кёб.
- Джигер – джаннга къыйынлыкъ.
- Къарнынг бла ёч алма.
- Къатын къылыкъсыз, эр тынчлыкъсыз.
- Окъугъан – асыу, окъумагъан – джарсыу.
- Къарнынг ауруса, ауузунгу тый
- Ат басханны джер билед.
- Адам сёзге тынгыла, акъыл сёзню ангыла.
- Кийимни бир кюнню аясанг, минг кюннге джарар.
- Кёл – къызбай, къол – батыр.
- Ауузу бла къуш тута айланады.
- Кийиминг бла танылма, адамлыкъ бла таныл.
- Ариу джол аджал келтирмез.
- Ауузу аманнга «иги», деме.
- Аманнга алтын чыдамаз.
Профиль
|
|
|||