- Ашына кёре табагъы, балына кёре къалагъы.
- Чомартны къолу берекет.
- Къонакъны къачан кетерин сорма, къачан келлигин сор.
- Дженгил джетерикме деб, узун джолну къоюб, къысхасын барма.
- Джырчы джырчыгъа – къарнаш.
- Тойгъандан сора, ашны сёкме.
- Джаным-тиним – окъуу, билим.
- Нарт сёз – тилни бети.
- Битмегеннге сакъал – танг.
- Чыбыкълыкъда бюгюлмеген, къазыкълыкъда бюгюлмей эди.
- Ат да турмайды бир териде.
- Тай асырагъан, атха минер.
- Къолу уллу – асыу, аягъы уллу – джарсыу.
- Байны оноуу, джарлыгъа джарамаз.
- Миллетни бойну – базыкъ, аны бла кюрешген – джазыкъ.
- Джиби бир къат джетмей эди да, эки къат тарта эди.
- Кийиминг бла танылма, адамлыкъ бла таныл.
- Таула не мийик болсала да, аууш табылыр.
- Атлыны кёрсе, джаяуну буту талыр.
- Башы ишлегенни, ауузу да ишлер.
- Ишлемеген – тишлемез.
- Кийим тукъум сордурур.
- Билген билмегенни юретген адетди.
- Юйлю уругъа ит чабмаз.
- Ауузу аманнга «иги», деме.
- Тёрде – темир таякълы, къаяда – чыпчыкъ аякълы.
- Агъач халкъгъа алтынды, иссиликге салкъынды.
- Кийимни бир кюнню аясанг, минг кюннге джарар.
- Босагъагъа джууукъ орун болса, ашыгъыб тёрге озма.
- Айтылгъан буйрукъ, сёгюлмез
- Ёзденликни кёбю ётюрюк.
- Мал кёб болса, джууукъ кёб болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аш берме да, къаш бер.
- Бир абыннган – минг сюрюнюр.
- Мухарны эси – ашарыкъда.
- Чомартны къолун джокълукъ байлар.
- Бозаны арты дауур болур.
- Иги адамны бир сёзю эки болмаз.
- Накъырда – кертини келечиси.
- Башсыз урчукъ тюзюне айланмаз.
- Джаралыны джастыгъында сау ёлюр.
- Ашхы – джыяр, аман – джояр.
- Къонагъы джокъну – шоху джокъ.
- Керек ташны ауурлугъу джокъ.
- Иши джокъну, сыйы джокъ.
- Джюрекге ариу – кёзге да ариу.
- Къуллукъчума, деб махтанма, къуллукъ – хаух джамчыды!
- Хар сёзню орну барды.
- Адамны адамлыгъы къыйынлыкъда айгъакъланады.
Профиль
|
|
|||