- Ачылгъан эт джабылыр, кёрген кёз унутмаз.
- Тенги кёбню джау алмаз, акъылы кёбню дау алмаз.
- Аш кетер да бет къалыр.
- Ишге юренсин къоллары, халкъ бла болсун джоллары.
- Сыфатында болмагъаны, суратында болмаз.
- Мал кёб болса, джууукъ кёб болур.
- Къайтырыкъ эшигинги, къаты уруб чыкъма.
- Ёлюк кебинсиз къалмаз.
- Ачлыкъ отха секиртир.
- Таула не мийик болсала да, аууш табылыр.
- Туз, гырджын аша, тюзлюк бла джаша.
- Бал – татлы, балдан да бала – татлы.
- Аманнга алтын чыдамаз.
- Чомартны къолу берекет.
- Иги адам абынса да, джангылмаз.
- Чыкълы кюнде чыкъмагъан, чыкъса къуру кирмеген.
- Адеб джокъда, намыс джокъ.
- Тыш элде солтан болгъандан эсе, кесинги элде олтан болгъан игиди!
- Аджашхан тёгерек айланыр.
- Акъыл къартда, джашда тюйюлдю – башдады.
- Къонагъы джокъну – шоху джокъ.
- Душманны тышы – акъ, ичи – къара.
- Тюз сёз баргъан сууну тыяр.
- Эл элде бирер малынг болгъандан эсе, бирер тенгинг болсун.
- Джукъу тёшек сайламайды.
- Джаралыны джастыгъында сау ёлюр.
- Аманны къуугъан, аманлыкъ табар.
- Ач бёрюге мекям джокъ.
- Гитче джилтин уллу элни джандырыр.
- Байдан умут эте, джарлыдан ёгюз багъасы къорады.
- Чыбыкълыкъда бюгюлмеген, къазыкълыкъда бюгюлмей эди.
- Къартны бурнун сюрт да, оноугъа тут.
- Таукелге нюр джауар.
- Къазанны башы ачыкъ болса, итге уят керекди.
- Айтылгъан буйрукъ, сёгюлмез
- Джерни букъусу кёкге къонмаз.
- Адамны бетине къарама, адетине къара.
- Асхат ашлыкъ сата, юйдегиси ачдан къата.
- Бал ашаргъа сюе эсенг, чибин ургъаннга тёз.
- Харам къарнашдан, халал тенг ашхы.
- Джиби бир къат джетмей эди да, эки къат тарта эди.
- Ауузу бла къуш тута айланады.
- Билимли ёлмез, билимсиз кёрмез.
- Келгинчи, къонакъ уялыр, келгенден сора, къонакъбай уялыр.
- Къыйынлы джети элге оноу этер.
- Берекет берсин деген джерде, берекет болур.
- Олтуруб кёрюнмей эди да, ёрге туруб кёрюне эди.
- Аман къатын алгъан, арыр, иги къатын алгъан джарыр.
- Чоюнну башы ачыкъ болса, итге уят керекди.
- Ариуну – ауруу кёб.
Профиль
|
|
|
|||