Эльбрусоид :: Форум

Юйлю уругъа ит чабмаз.
Къар – келтирди, суу – элтди.
Аман хансны – урлугъу кёб.
Къоркъакъны кёзю экили кёрюр.
Сабий болмагъан джерде, мёлек болмаз.
Билмезни кёзю кёрмез, этмезни къулагъы эшитмез.
Бозанг болмагъан джерге, къалагъынгы сукъма.
Джеринден айырылгъан – джети джылар, джуртундан айырылгъан – ёлгюнчю джылар.
Ашаса, ашамаса да, бёрюню ауузу – къан.
Джыгъылгъанны сырты джерден тоймаз.
Тойгъандан сора, ашны сёкме.
Миллетни бойну – базыкъ, аны бла кюрешген – джазыкъ.
Суу да къайтады чыкъгъан джерине.
Къызгъанчдан ычхыныр, мухардан ычхынмаз.
Алим болгъандан эсе, адам болгъан къыйынды.
Итли къонакъ джарашмаз.
Харам къарнашдан, халал тенг ашхы.
Байны оноуу, джарлыгъа джарамаз.
Эринчекни аурууу – кёб.
Насыблы элин сюер, насыбсыз кесин сюер.
Ашыкъгъанны этеги бутуна чырмалыр.
Тенги кёбню джау алмаз, акъылы кёбню дау алмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Адам къыйынлыгъын кёлтюрюр, зауукълугъун кёлтюрмез.
Адамны артындан къара сабан сюрме.
Къыз келсе, джумуш эте келеди, къатын келсе, ушакъ эте келеди.
Къатын къылыкъсыз, эр тынчлыкъсыз.
Сакъ юйюне сау барыр.
Хатерли къул болур.
Къулакъдан эсе, кёзге ышан.
Эли джокъну – кёлю джокъ.
Аууз сакълагъан – джан сакълар.
Азыкълы ат арымаз, къатыны аман джарымаз.
Джумушакъ терекни къурт ашар.
Адеб этмеген, адеб кёрмез.
Джетген къыз джерли эшекни танымаз.
Суугъа – таянма, джаугъа – ийнанма.
Тилчи тилден къаныкъмаз.
Кёбден умут этиб, аздан къуру къалма.
Байлыкъ болгъан джерде, тынчлыкъ джокъду.
Сютден ауузу кюйген, суугъа юфгюре эди.
Сагъышы джокъ – джукъучу, акъылы джокъ – къаугъачы.
Термилгенинги табмазса, кюлгенинге тюберсе.
Ёзденликни кёбю ётюрюк.
Айран тёгюлсе, джугъусу къалыр.
Малны кют, джерни тюрт.
Ауругъан – джашаудан умутчу.
Эл ауузу – элия.
Татлы тилде – сёз ариу, чемер къолда – иш ариу.
Джылкъыдан – ат чыгъар, тукъумдан – джаш чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация