Эльбрусоид :: Форум

Ёгюзню мюйюзлери ауурлукъ этмейдиле.
Кёзден кетген, кёлден да кетеди.
Сагъышы джокъ – джукъучу, акъылы джокъ – къаугъачы.
Джыйырма къойну юч джыйырма эбзе кюте эди.
Къонакъ болсанг, ийнакъ бол.
Биреу къой излей, биреу той излей.
Итли къонакъ джарашмаз.
Кёл ашады да, кеси ашады.
Ариу сёз джыланны орнундан чыгъарыр.
Эркишини аманы тиширыуну джылатыр.
Джигер – джаннга къыйынлыкъ.
Aдам боллукъ, сыфатындан белгили.
Дууулдаса – бал чибин, къонса – къара чибин.
Ишни аллы бла къууанма да, арты бла къууан.
Чомарт къолда мал къалмаз.
Тёрдеги кюлсе, эшикдеги ышарыр.
Орну джокъну – сыйы джокъ.
Бетинги сатма, малынгы сат.
Тил джюрекге джол ишлейди.
Къарнынг къанлынга кийирир.
Биреуню тёрюнден, кесинги эшик артынг игиди.
Джумушакъ терекни къурт ашар.
Элиб деген, элге болушур.
Ашда – бёрю, ишде – ёлю.
Джаш къарыу бла кючлю, къарт акъыл бла кючлю.
Сууда джау джокъ, кёб сёзде магъана джокъ.
Уллу къазанда бишген эт, чий къалмаз.
Хатерли къул болур.
Окъумагъан сокъурду, сокъур ташха абыныр!
Джолунга кёре – джюрюшюнг, джагъанга кёре – юлюшюнг.
Окъ къызбайны джокълайды.
Аш хазыр болса, иш харам болур.
Таякъ этден ётер, тил сюекден ётер.
Чомартха Тейри да борчлуду.
Адамны сабийин сюйген джюреги, бычакъча, джитиди.
Сагъыш – къартлыкъгъа сюйюмчю.
Ургъан суудан башынгы сакъла.
Акъыллы айтыр эди, акъылсыз къоймайды.
Ёнгкюч къууана барыр, джылай келир.
Булут кёкге джарашыу, уят бетге джарашыу.
Ата – билек, ана – джюрек!
Зарда марда джокъ.
Орундукъ тюбюнде атылсам да, орта джиликме, де да айлан.
Къонагъы джокъну – шоху джокъ.
Джыланны къуйругъундан басарынг келсе, аны башы болгъанын унутма.
Кесинг сынамагъан затны, адамгъа буюрма.
Къайгъыны сюйген, къайгъы табар.
Аурууну келиую тынч, кетиую – къыйын.
Джиби бир къат джетмей эди да, эки къат тарта эди.
Ёлюк кебинсиз къалмаз.

Логин:
Пароль:
	Запомнить меня на этом компьютере

Забыли свой пароль?
Регистрация