- Биреу къой излей, биреу той излей.
- Намысы болмагъанны, сыйы болмаз.
- Азыкълы ат арымаз, къатыны аман джарымаз.
- Джан саулукъ бермей, сан саулукъ бермезсе.
- Сибиртки да сыйлы болду, кюрек да кюнлю болду.
- Кесинг сынамагъан затны, адамгъа буюрма.
- Ётюрюкден тюбю джокъ, кёлтюрюрге джиби джокъ.
- Ашхы адам – халкъ байлыгъы, ашхы джер – джашау байлыгъы.
- Гитче джилтин уллу элни джандырыр.
- Рысхы джалгъанды: келген да этер, кетген да этер.
- Баш – акъыл ючюн, акъылман – халкъ ючюн.
- Тенгинг джокъ эсе – изле, бар эсе – сакъла!
- Юй ишлеген балта эшикде къалыр.
- Тешик этген тынчды, аны джамагъан къыйынды.
- Уллу айтханны этмеген – уллаймаз.
- Кечеси – аяз, кюню – къыш, джарлы къаргъагъа бир аш тюш!
- Тёрде – темир таякълы, къаяда – чыпчыкъ аякълы.
- Ана къойну – балагъа джандет.
- Телини эшигин, махтау джабар.
- Ариу сёз – джаннга азыкъ, аман сёз – башха къазыкъ.
- Акъыл аздырмаз, билим тоздурмаз.
- Къыйынлы джети элни къайгъысын этер.
- Бермеген къол, алмайды.
- Байлыкъ тауусулур, билим тауусулмаз.
- Джангыз терек къынгыр ёсер.
- Айтылгъан сёз ызына къайтмаз.
- Джырчы джырчыгъа – къарнаш.
- Хансыз джомакъ болмаз.
- Къарын къуру болса, джюрек уру болур.
- Аман эсирсе, юйюн ояр.
- Къартны сыйын кёрмеген, къартлыгъында сыйлы болмаз.
- Джарашыу сюйген – джалынчакъ.
- Баргъанынга кёре болур келгенинг.
- Эки къатын алгъан – эки ташны ортасына башын салгъан.
- Эли джокъну – кёлю джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Тешигини къатында, чычхан да батыр болур.
- Бет бетге къараса, бет да джерге къарар.
- Ауругъанны сау билмез, ач къарынны токъ билмез.
- Иги – алгъыш этер, аман – къаргъыш этер.
- Бал – татлы, балдан да бала – татлы.
- Кёз – сюйген джерде, къол – ауругъан джерде.
- Сагъышы джокъ – джукъучу, акъылы джокъ – къаугъачы.
- Ишлемеген – тишлемез.
- Орундукъ тюбюнде атылсам да, орта джиликме, де да айлан.
- Тойну къарнашы – харс, джырны къарнашы – эжиу.
- Иги сеники эсе да, сюйген кесимикин этеме.
- Киштикге къанат битсе, чыпчыкъ къалмаз эди.
- Кеси юйюмде мен да ханма.
- Элиб деген, элге болушур.
Профиль
|
|
|||