- Бети бедерден, намыс сакълама.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тёзген – тёш ашар!
- Ариу джол аджал келтирмез.
- Джерни букъусу кёкге къонмаз.
- Эл тойса, тоймагъан, эл къойса, къоймагъан.
- Башсыз урчукъ тюзюне айланмаз.
- Ёлюк кебинсиз къалмаз.
- Ёгюзню мюйюзюнден тутадыла, адамны сёзюнден тутадыла.
- Иги сеники эсе да, сюйген кесимикин этеме.
- Арба аугъандан сора, джол кёргюзтюучю кёб болур.
- Аууздан келген, къолдан келсе, ким да патчах болур эди.
- Рысхы – сют юсюнде кёмюк кибикди.
- Ушамагъан – джукъмаз.
- Кийиминг бла танылма, адамлыкъ бла таныл.
- Къызгъанчдан ычхыныр, мухардан ычхынмаз.
- Окъугъанны бети джарыкъ.
- Иги болса, тамадама – махтау, аман болса, меннге – айыб.
- Адеби болмагъан къыз – тузсуз хант.
- Баланы адам этген анады.
- Ашына кёре табагъы, балына кёре къалагъы.
- Мал ёлсе, сюек къалыр, адам ёлсе, иши къалыр.
- Джуртун къоругъан озар.
- Башланнган иш битер, къымылдагъан тиш тюшер.
- Къралынгы – душмандан, башынгы от бла суудан сакъла.
- Кютгени беш эчки, сызгъыргъаны уа, джерни джарады.
- Эркишини аманы тиширыуну джылатыр.
- Дуния мал дунияда къалады.
- Кёл – къызбай, къол – батыр.
- Адамны джюреги нени кёрюрге сюйсе, кёзю да аны кёрюрге ёч болады.
- Бёрю да ач къалмасын, эчки да ашалмасын.
- Чакъырылмагъан джерге барма, чакъырылгъан джерден къалма.
- Атадан ёксюз – бир ёксюз, анадан ёксюз – эки ёксюз.
- Окъдан джара эртде-кеч болса да бителир, сёз джара, ёмюрге къалыр.
- Тойгъан антын унутур.
- Намысы болмагъанны, сыйы болмаз.
- Ач къарынны, токъ билмез
- Ётюрюкден тюбю джокъ, кёлтюрюрге джиби джокъ.
- Чомартны къолун джокълукъ байлар.
- Арыгъан къош чамчы болур.
- Ашатыргъа иш – ашхы, ишлетирге аш – ашхы.
- Ишленмеклик адамлыкъды.
- Ёлген ийнек сютлю болур.
- Байлыкъ келсе, акъыл кетер.
- Тойну къарнашы – харс, джырны къарнашы – эжиу.
- Намысы джокъну – дуниясы джокъ.
- Дуния малгъа сатылма, кесингден телиге къатылма.
- Адамны адамлыгъы къыйынлыкъда айгъакъланады.
- Адамны артындан къара сабан сюрме.
- Ашын ашагъанынгы, башын да сыйла.
Профиль
|
Ahma
 Эльбрусоид
Баллов: 0
Регистрация: 06.05.2013
Последний визит: 08.05.2013 21:52:53
|
|
||||||||
|
|
|
||||||||