- Аз сёлеш, кёб ишле.
- Ишлегенден, къарагъан уста.
- Биреуню къыйынлыгъы бла кесинге джол ишлеме.
- Халкъгъа джарагъан, джарлы къалмаз.
- Тиширыусуз юй – отсуз от джагъа.
- Тойну къарнашы – харс, джырны къарнашы – эжиу.
- Эрни эр этерик да, къара джер этерик да, тиширыуду.
- Кютгени беш эчки, сызгъыргъаны уа, джерни джарады.
- Къозулугъунда тоймагъан, къойлугъунда тоймаз.
- Шекер бла туз – бир болмаз, ушамагъан – юй болмаз.
- Кёл ашады да, кеси ашады.
- Ашарыкъда сайлагъаннга – чий гырджын.
- Кесине гебен этелмеген, биреуге черен эте эди.
- Кенгеш болса, уруш болмаз.
- Билим къая тешер.
- Соргъан айыб тюлдю, билмеген айыбды.
- Окъугъан озар, окъумагъан тозар.
- Чакъырылмагъан къонакъ тёрге атламаз.
- Джырчы джырчыгъа – къарнаш.
- Къууут – джелге, берне – бошха.
- Ушамагъан – джукъмаз.
- Бичгенде ашыкъма, тикгенде ашыкъ.
- Ачыу алгъа келсе, акъыл артха къалады.
- Къызын тута билмеген, тул этер, джашын тута билмеген, къул этер.
- Арпа, будай – ащды, алтын, кюмюш а – ташды.
- Ачны эсинде – аш.
- Бир онгсуз адам адет чыгъарды, деб эштирик тюлсе.
- Чабакъгъа акъыл, табагъа тюшсе келеди.
- Къулакъдан эсе, кёзге ышан.
- Кёзден кетген, кёлден да кетеди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бастасын ашагъан, хантусун да ичер.
- Тил – кесген бычакъ, сёз – атылгъан окъ.
- Бети бедерден, намыс сакълама.
- Ханы къызы буюгъа-буюгъа киштик болду.
- Джылар джаш, атасыны сакъалы бла ойнар.
- Къонакъ болсанг, ийнакъ бол.
- Эски джаугъа ышанма.
- Кёпюр салгъан кеси ётер, уру къазгъан кеси кетер.
- Ач – эснер, ат – кишнер.
- Ишлемеген – тишлемез.
- Босагъа таш юйге кирмей эди, тыбыр таш эшикге чыкъмай эди.
- Къартны бурнун сюрт да, оноугъа тут.
- Къоркъакъны кёзю экили кёрюр.
- Уллу атлама – абынырса, уллу къабма – къарылырса.
- Узун джолну барсанг, бюгюн келирсе, къысха джолну барсанг, тамбла келирсе.
- Таукел тауну аудурур.
- Телиге от эт десенг, юйюнге от салыр.
- Гитче джилтин уллу элни джандырыр.
- Адамны сабийин сюйген джюреги, бычакъча, джитиди.
Профиль
|
|
|||