- Ойнай билмеген, уруб къачар.
- Айтылгъан буйрукъ, сёгюлмез
- Кийиминг бла танылма, адамлыкъ бла таныл.
- Уруну арты – къуру.
- Кюн кёрмеген, кюн кёрсе, кюндюз чыракъ джандырыр.
- Къарнынг ауруса, ауузунгу тый
- Билим ат болуб да чабар, къуш болуб да учар.
- Къонакъ хазыр болгъанлыкъгъа, къонакъбай хазыр тюлдю.
- Ариу сёзде ауруу джокъ.
- Термилгенинги табмазса, кюлгенинге тюберсе.
- Кёб къычыргъандан – къоркъма, тынч олтургъандан – къоркъ.
- Намыс сатылыб алынмайды.
- Баш – акъыл ючюн, акъылман – халкъ ючюн.
- Хар зат кесини орнуна иги.
- Мураты болгъанны джюрек тебюую башхады.
- Дженгил джетерикме деб, узун джолну къоюб, къысхасын барма.
- Ургъан суудан башынгы сакъла.
- Джарашыу сюйген – джалынчакъ.
- Аякъларынгы джууургъанынга кёре узат.
- Джеринден айырылгъан – джети джылар, джуртундан айырылгъан – ёлгюнчю джылар.
- Магъанасыз сёз – тауушсуз сыбызгъы.
- Къызны минг тилер, бир алыр.
- Джашынгы кесинг юретмесенг, джашау юретир.
- Кирсизни – саны таза, халалны – къаны таза.
- Телини эшигин, махтау джабар.
- Ёксюзню къалачы уллу кёрюнюр.
- Джан саулукъ бермей, сан саулукъ бермезсе.
- Ёлген аслан – сау чычхан.
- Ёгюзню мюйюзюнден тутадыла, адамны сёзюнден тутадыла.
- Битмегеннге сакъал – танг.
- Сибиртки да сыйлы болду, кюрек да кюнлю болду.
- Дуния малгъа сатылма, кесингден телиге къатылма.
- Джолунга кёре – джюрюшюнг, джагъанга кёре – юлюшюнг.
- Акъыл неден да кючлюдю.
- Бек анасы джыламаз.
- Кесине оноу эте билмеген, халкъына да эте билмез.
- Юреннген ауруу къалмаз.
- Ач келгенни – тойдур, кеч келгенни – къондур.
- Ёпкелегенни ашы татлы болады.
- Адеб базарда сатылмаз.
- Айранны сюйген, ийнек тутар.
- Рысхы – насыбха къор.
- Айтханы чапыракъдан ётмеген.
- Къайгъы тюбю – тенгиз.
- Минг тенг да азды, бир джау да кёбдю.
- Эрине къаргъыш этген къатын, эрнин къабар.
- Ханы къызы буюгъа-буюгъа киштик болду.
- Джылар джаш, атасыны сакъалы бла ойнар.
- Джерни букъусу кёкге къонмаз.
- Ариу джол аджал келтирмез.
Профиль
|
|
|||