- Ётюрюкчюню шагъаты – къатында.
- Уллу суу бла уллу ауруудан башынгы сакъла.
- Аман къатын алгъан, арыр, иги къатын алгъан джарыр.
- Эркишиге тары кебек танг кёрюнюр.
- Зар адам ашынгы ашар, кесинги сатар.
- Джаханимни кёрмей, джандетге кёл салмазса.
- Дууулдаса – бал чибин, къонса – къара чибин.
- Ауругъан – джашаудан умутчу.
- Джумушакъ сёз къаты таякъны сындырыр.
- Тёгюлген тюгел джыйылмайды.
- Юйлю уругъа ит чабмаз.
- Аман къатын сабий табса, бий болур…
- Тюзлюк шохлукъну бегитир.
- Къонакъ аз олтурур, кёб сынар.
- Тил – миллетни джаны.
- Кюл тюбюндеги от кёрюнмейди.
- Тенгинг джокъ эсе – изле, бар эсе – сакъла!
- Къыз келсе, джумуш эте келеди, къатын келсе, ушакъ эте келеди.
- Айран ичген – къутулду, джугъусун джалагъан – тутулду.
- Тамырсыз терекге таянма – джыгъылырса.
- Эринчекге кюн узун.
- Бал – татлы, балдан да бала – татлы.
- Айтхан – тынч, этген – къыйын.
- Кийимни бичсенг, кенг бич, тар этген къыйын тюлдю.
- Хоншуну тауугъу къаз кёрюнюр, келини къыз кёрюнюр.
- Джырчы ёлсе, джыры къалыр.
- Бозаны арты дауур болур.
- Чабакъгъа акъыл, табагъа тюшсе келеди.
- Зар адамны насыбы болмаз.
- Берекет берсин деген джерде, берекет болур.
- Суу кетер, таш къалыр.
- Джыгъылгъанны сырты джерден тоймаз.
- Тил – кесген бычакъ, сёз – атылгъан окъ.
- Аджал соруб келмез, келсе, къайтыб кетмез.
- Адамны сыфатына къарама, сёзюне къара.
- Ашха уста, юйюнде болсун
- Халкъгъа джарагъан, джарлы къалмаз.
- Уллу къашыкъ эрин джыртар.
- Чёбню кёлтюрсенг, тюбюнден сёз чыгъар.
- Ханнга да келеди хариблик.
- Ариу сёз – къылычдан джити.
- Уясында не кёрсе, учханында аны этер.
- Хансыз джомакъ болмаз.
- Аз сёлешген, къайгъысыз турур.
- Ёлюк кебинсиз къалмаз.
- Ёмюрлюк шохлукъну джел элтмез.
- Аман хансны – урлугъу кёб.
- Оюмсуз атлагъан, аджалсыз ёлюр.
- Ашхы болсанг, атынг чыгъар, аман болсанг, джанынг чыгъар.
- Тик ёргени, тик энгишгеси да болады.
Профиль
|
|
|||