- Кесине оноу эте билмеген, халкъына да эте билмез.
- Биреуге аманлыкъ этиб, кесинге игилик табмазса.
- Намыс болмагъан джерде, насыб болмаз.
- Насыб бютеу халкъны юлюшюдю.
- Хансыз джомакъ болмаз.
- Бир онгсуз адам адет чыгъарды, деб эштирик тюлсе.
- Эки итни арасына сюек атма, эки адамны арасында сёз чыгъарма.
- Аз сёлеш, кёб ишле.
- Экеулен сёлеше тура эселе, орталарына барыб кирме.
- Башынга джетмегенни сорма.
- Хар ишни да аллы къыйынды.
- Эки къатын алгъан – эки ташны ортасына башын салгъан.
- Джюрек кёзден алгъа кёрюр.
- Тынгылагъан тынгы бузар.
- Айтханы чапыракъдан ётмеген.
- Адеб базарда сатылмаз.
- Битмегеннге сакъал – танг.
- Башы джабылгъан челекге, кир тюшмез.
- Тойгъа барсанг, тоюб бар, эски тонунгу къоюб бар.
- Арпа, будай – ащды, алтын, кюмюш а – ташды.
- Эл элде бирер малынг болгъандан эсе, бирер тенгинг болсун.
- Айырылмаз джууугъунга, унутмаз сёзню айтма.
- Иги – алгъыш этер, аман – къаргъыш этер.
- Джетген къыз джерли эшекни танымаз.
- Айраннга суу къош, телиге джол бош.
- Чёбню кёлтюрсенг, тюбюнден сёз чыгъар.
- Шапа кёб болса, аш татымсыз болур.
- Aдам боллукъ, сыфатындан белгили.
- Сибиртки да сыйлы болду, кюрек да кюнлю болду.
- Элиб деген, элге болушур.
- Ач келгенни – тойдур, кеч келгенни – къондур.
- Адам сёзюнден белгили.
- Таугъа чыгъаллыкъ эсенг, тюзде къалма.
- Эки къатын алгъанны къулагъы тынгнгаймаз.
- Чомарт къолда мал къалмаз.
- Бети къызарыучу адамны, джюреги харам болмаз.
- Аджашхан тёгерек айланыр.
- Къая джолда джортма, ачыкъ сёзден къоркъма.
- Къуру гыбыт бек дыгъырдар.
- Келинни – келгинчи, бёркню кийгинчи кёр.
- Ёксюзню къалачы уллу кёрюнюр.
- Уллу суу бла уллу ауруудан башынгы сакъла.
- Ач бёрюге мекям джокъ.
- Ургъан суудан башынгы сакъла.
- Билим насыб берир, билим джолну керир.
- Бек ашыкъгъан меннге джетсин, дегенди аракъы.
- Кёзю сокъурдан – къоркъма, кёлю сокъурдан – къоркъ.
- Тёзген – тёш ашар!
- Юйюнгден чыкъдынг – кюнюнгден чыкъдынг.
- Тёрени джагъы джокъ.
Профиль
|
|
|||