- Тил джюрекге джол ишлейди.
- Кёлсюзден сёзсюз тууар.
- Айран ичген – къутулду, джугъусун джалагъан – тутулду.
- Оюмсуз атлагъан, аджалсыз ёлюр.
- Къонагъы джокъну – шоху джокъ.
- Джолда аягъынга сакъ бол, ушакъда тилинге сакъ бол.
- Кёбге таш атма.
- Кёб джат да, бек чаб.
- Иги болса, тамадама – махтау, аман болса, меннге – айыб.
- Ишни аллы бла къууанма да, арты бла къууан.
- Кюл тюбюндеги от кёрюнмейди.
- От кюйдюрген, сау болса да, тот кюйдюрген, сау болмаз.
- Билимли ёлмез, билимсиз кёрмез.
- Къалгъан ишге къар джауар.
- Этим кетсе да, сюегим къалыр.
- Джети тилни билген джети кишиди.
- Ашхы адам – халкъ байлыгъы, ашхы джер – джашау байлыгъы.
- Мени джылытмагъан кюн, меннге тиймесин!
- Чарсда алчыны эл кёреди.
- Джуртун къоругъан озар.
- Тил – кесген бычакъ, сёз – атылгъан окъ.
- Кёзюнде тереги болгъан, чёбю болгъаннга кюле эди.
- Къарыусузгъа кюлме, онгсузгъа тийме.
- Келинни – келгинчи, бёркню кийгинчи кёр.
- Тойгъа барсанг, тоюб бар, эски тонунгу къоюб бар.
- Бюгюн дуния кибик, тамбла ахыратды.
- Этни бети бла шорпасы.
- Юйюнгден чыкъдынг – кюнюнгден чыкъдынг.
- Тюкюрюк баш джармаз, налат кёз чыгъармаз!
- Ёзденликни кёбю ётюрюк.
- Тойгъан антын унутур.
- Тойгъа алгъа да барма, тойда артха да къалма.
- Тыш элде солтан болгъандан эсе, кесинги элде олтан болгъан игиди!
- Азыкъ аз болса, эртде орун сал.
- Ачлыкъ отха секиртир.
- Халкъны джырын джырласанг, халкъ санга эжиу этер.
- Ач уят къоймаз.
- Джаным-тиним – окъуу, билим.
- Миллетни бойну – базыкъ, аны бла кюрешген – джазыкъ.
- Аджашханны ызындагъы кёреди, джангылгъанны джанындагъы биледи.
- Сютден ауузу кюйген, суугъа юфгюре эди.
- Юй кюйдю да, кюйюз чыкъды, ортасындан тюйюш чыкъды.
- Айран тёгюлсе, джугъусу къалыр.
- Экиндини кеч къылсанг, чабыб джетер ашхам.
- Тиширыусуз юй – отсуз от джагъа.
- Итли къонакъ джарашмаз.
- Ариу сёз – джаннга азыкъ, аман сёз – башха къазыкъ.
- Мал тутхан – май джалар.
- Тил бла келеди джыр да.
- Ашда – бёрю, ишде – ёлю.
Профиль
|
|
|||