- Къыз чыгъаргъан – къызыл къымжа.
- Къыз тиширыу кеси юйюнде да къонакъды.
- Къралынгы – душмандан, башынгы от бла суудан сакъла.
- Джюз элде джюз ёгюзюм болгъандан эсе, джюз джууугъум болсун.
- Юреннген ауруу къалмаз.
- Орундукъ тюбюнде атылсам да, орта джиликме, де да айлан.
- Эринчекге кюн узун.
- Окъ къызбайны джокълайды.
- Айраннга суу къош, телиге джол бош.
- Ашда – бёрю, ишде – ёлю.
- Ана къолу ачытмаз.
- Джырына кёре эжиую.
- Билмейме деген – бир сёз
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къазанчы аман болса, къазаны къайнамаз.
- Ат да турмайды бир териде.
- Аш кетер да бет къалыр.
- Адамгъа аман кюн соруб келмейди.
- Кесинг сынамагъан затны, адамгъа буюрма.
- Биреуге аманлыкъны тилеме да, кесинге ашхылыкъны тиле.
- Къыйынлы джети элни къайгъысын этер.
- Таякъ этден ётер, тил сюекден ётер.
- Ач бёрюге мекям джокъ.
- Таугъа чыгъаллыкъ эсенг, тюзде къалма.
- Къарын къуру болса, джюрек уру болур.
- Къонакъ аман болса, къонакъбай джунчур
- Сёлеш деб шай берген, тохта деб, сом берген.
- Арпа, будай – ащды, алтын, кюмюш а – ташды.
- Къарыусузгъа кюлме, онгсузгъа тийме.
- Эртде тургъан бла эртде юйленнген сокъуранмаз.
- Ариу – кёзге, акъыл – джюрекге.
- Уллу къазанда бишген эт, чий къалмаз.
- Ёнгкюч къууана барыр, джылай келир.
- Адеб джокъда, намыс джокъ.
- Джетген къыз джерли эшекни танымаз.
- Джыйырма къойну юч джыйырма эбзе кюте эди.
- Тас болгъан бычакъны сабы – алтын.
- Кюн кёрмеген, кюн кёрсе, кюндюз чыракъ джандырыр.
- Акъылсызны джууукъгъа алма, акъыллыны кенгнге салма.
- Аманнга да, игиге да оноусуз къатышма.
- Таукел къуру къалмаз.
- Мал кёб болса, джууукъ кёб болур.
- Шайтан алдады, тюзлюк къаргъады.
- Аманны эки битли тону болур, бирин сеннге кийдирир, бирин кеси киер.
- Къар – келтирди, суу – элтди.
- Суугъа – таянма, джаугъа – ийнанма.
- Мен да «сен», дейме, сен да «кесим», дейсе.
- Игилик игилик бла сингдирилиучю затды.
- Сибиртки да сыйлы болду, кюрек да кюнлю болду.
- Аджаллыгъа окъсуз шкок атылыр.
Профиль
|
|
|||