- Тай асырагъан, атха минер.
- Ашхы болсанг, атынг чыгъар, аман болсанг, джанынг чыгъар.
- Къызын тута билмеген, тул этер, джашын тута билмеген, къул этер.
- Ашыкъгъанны этеги бутуна чырмалыр.
- Джарлы эскисин джамаса, къууаныр.
- Насыб бютеу халкъны юлюшюдю.
- Ёлмесенг да, къарт дамы болмазса?
- Ана къолу ачытмаз.
- Тешигини къатында, чычхан да батыр болур.
- Аман къатын алгъан, арыр, иги къатын алгъан джарыр.
- Тилчи тилден къаныкъмаз.
- Мухардан ач ычхынмаз.
- Билим – акъылны чырагъы.
- Къазанны башы ачыкъ болса, итге уят керекди.
- Уясында не кёрсе, учханында аны этер.
- Ышармагъан – кюлмез, кюлмеген – къууанчны билмез.
- Ариу – кёзге, акъыл – джюрекге.
- Айтылгъан буйрукъ, сёгюлмез
- Къонакъ аз олтурур, кёб сынар.
- Алим болгъандан эсе, адам болгъан къыйынды.
- Джумушакъ терекни къурт ашар.
- Тил джюрекге джол ишлейди.
- Ата – баланы уясы.
- Аууз сакълагъан – джан сакълар.
- Чакъырылмагъан къонакъ къачан кетерин сормаз.
- Хоншуну тауугъу къаз кёрюнюр, келини къыз кёрюнюр.
- Къатын байлыкъны сюер, эр саулукъну сюер.
- Къошда джокъгъа – юлюш джокъ.
- Ёлген эшек бёрюден къоркъмайды.
- Иги адам абынса да, джангылмаз.
- Уллу къазанда бишген эт, чий къалмаз.
- Бек анасы джыламаз.
- Бети – къучакълар, джюреги – бычакълар.
- Ётюрюкню къуйругъу – бир тутум.
- Сабыр джетер муратха, сабырсыз къалыр уятха.
- Эки къатын алгъан – эки ташны ортасына башын салгъан.
- Зарда марда джокъ.
- Чарсда алчыны эл кёреди.
- Ичимден чыкъды хата, къайры барайым сата?
- Арбаз къынгырды да, ийнек сауалмайма.
- Чалманны аллы къалай башланса, арты да алай барады.
- Кёзю сокъурдан – къоркъма, кёлю сокъурдан – къоркъ.
- Итли къонакъ джарашмаз.
- Акъыллы эркиши атын махтар, акъылсыз эркиши къатынын махтар.
- Халкъны джырын джырласанг, халкъ санга эжиу этер.
- Дуния малгъа сатылма, кесингден телиге къатылма.
- Дженгил джетерикме деб, узун джолну къоюб, къысхасын барма.
- Эрине къаргъыш этген къатын, эрнин къабар.
- Ашхы сёз таш тешер.
- Чакъырылмай келген къонакъ сыйланмай кетер.
Профиль
|
|
|||