- Таула не мийик болсала да, аууш табылыр.
- Къонакъны къачан кетерин сорма, къачан келлигин сор.
- Къарыусузгъа кюлме, онгсузгъа тийме.
- Аманны тукъумуна къарама, игини тукъумун сорма.
- Тилсиз миллет джокъ болур.
- Ауузу аманнга «иги», деме.
- Байны къызы баймакъ болса да, юйде къалмаз!
- Ёлген аслан – сау чычхан.
- Иги адамны бир сёзю эки болмаз.
- Тели турса – той бузар.
- Биреуге аманлыкъны тилеме да, кесинге ашхылыкъны тиле.
- Юй кюйдю да, кюйюз чыкъды, ортасындан тюйюш чыкъды.
- Кёбге таш атма.
- Къартха ушагъан джаш – акъыллы, джашха ушагъан къарт – тели.
- Артына баргъанны, къатына барма.
- Къызбайны юйюне дери сюрсенг, батыр болур.
- Къолунгдан къуймакъ ашатсанг да, атаны борчундан къутулмазса.
- Ачылгъан эт джабылыр, кёрген кёз унутмаз.
- Ашына кёре табагъы, балына кёре къалагъы.
- Душманны тышы – акъ, ичи – къара.
- Сакъалы текени да бар, мыйыгъы киштикни да бар.
- «Ёгюз, джаргъа джууукъ барма, меннге джюк боллукъса», - дегенди эшек.
- Чабакъсыз кёлге къармакъ салгъанлыкъгъа, чабакъ тутмазса.
- Джуртун къоругъан озар.
- Уллу атлама – абынырса, уллу къабма – къарылырса.
- Акъыл неден да кючлюдю.
- Акъдан къара болмаз.
- Сёлеш деб шай берген, тохта деб, сом берген.
- Тамырсыз терекге таянма – джыгъылырса.
- Дженгил джетерикме деб, узун джолну къоюб, къысхасын барма.
- Сютден ауузу кюйген, суугъа юфгюре эди.
- Къызны минг тилер, бир алыр.
- Айран ичген – къутулду, джугъусун джалагъан – тутулду.
- Тойгъан джерден туугъан джер игиди.
- Эски джаугъа ышанма.
- Гугурук къычырмаса да, тангны атары къалмаз.
- Кёзю сокъурдан – къоркъма, кёлю сокъурдан – къоркъ.
- Кесинге джетмегенни, кёб сёлешме.
- Къайтырыкъ эшигинги, къаты уруб чыкъма.
- Арпа, будай – ащды, алтын, кюмюш а – ташды.
- Ач къалгъандан, кеч къалгъан къолай.
- Кёзню ачылгъаны – иги, ауузну джабылгъаны – иги.
- Атлыны кёрсе, джаяуну буту талыр.
- Ач бёрюге мекям джокъ.
- Айтылгъан буйрукъ, сёгюлмез
- Адеб этмеген, адеб кёрмез.
- Джети тилни билген джети кишиди.
- Окъдан джара эртде-кеч болса да бителир, сёз джара, ёмюрге къалыр.
- Мени джылытмагъан кюн, меннге тиймесин!
- Тин – байлыгъынг, терен саулугъунг.
Профиль
|
|
|||