- Шайтан алдады, тюзлюк къаргъады.
- Тойчу джашха къарама, къойчу джашха къара.
- Чомарт къолда мал къалмаз.
- Кенгеш болса, уруш болмаз.
- Къызны минг тилер, бир алыр.
- Аманнга игилик этсенг, юйюнге сау бармазса.
- Ашха уста, юйюнде болсун
- Джан саулукъ бермей, сан саулукъ бермезсе.
- Сангырау къулакъ эл бузар.
- Кёлсюзден сёзсюз тууар.
- Кёзден кетген, кёлден да кетеди.
- Ишленмеген джаш – джюгенсиз ат, ишленмеген къыз – тузсуз хант.
- Бозанг болмагъан джерге, къалагъынгы сукъма.
- Чакъырылмай келген къонакъ сыйланмай кетер.
- Адеби болмагъан къыз – тузсуз хант.
- Къонакъ кёб келюучю юйню, къазаны отдан тюшмез.
- Суугъа – таянма, джаугъа – ийнанма.
- Ишни аллы бла къууанма да, арты бла къууан.
- Кесине гебен этелмеген, биреуге черен эте эди.
- Адамны сыфатына къарама, сёзюне къара.
- Уллу сёзде уят джокъ.
- Дуния малгъа сатылма, кесингден телиге къатылма.
- Чакъырылмагъан къонакъ къачан кетерин сормаз.
- Эшекни не къадар тюйсенг да, ат болмаз.
- Ёлмесенг да, къарт дамы болмазса?
- Бозаны арты дауур болур.
- Садакъачыны джаны – къапчыгъында.
- Ариу – кёзге, акъыл – джюрекге.
- Къуллукъчума, деб махтанма, къуллукъ – хаух джамчыды!
- Тай асырагъан, атха минер.
- Иги джашны ышаны – аз сёлешиб, кёб тынгылар.
- Ач да бол, токъ да бол – намысынга бек бол.
- Аджал соруб келмез, келсе, къайтыб кетмез.
- Иги сеники эсе да, сюйген кесимикин этеме.
- Башы джабылгъан челекге, кир тюшмез.
- Алгъанда – джууукъ, бергенде – джау.
- Джюз элде джюз ёгюзюм болгъандан эсе, джюз джууугъум болсун.
- Накъырданы арты керти болур.
- Аллахдан тилесенг, кёб тиле.
- Чарсда алчыны эл кёреди.
- Къоркъакъны кёзю экили кёрюр.
- Кёб джашагъан – кёб билир.
- Кеси юйюмде мен да ханма.
- Къатыны харакетли болса, эри къымсыз болур.
- Къонагъы джокъну – шоху джокъ.
- Тилчи бир сагъатха айлыкъ хата этер.
- Хансыз джомакъ болмаз.
- Арпа, будай – ащды, алтын, кюмюш а – ташды.
- Къолу уллу – асыу, аягъы уллу – джарсыу.
- Аман киши кеси юйюнде – къонакъ.
Профиль
|
|
|
|||