- Ач да бол, токъ да бол – намысынга бек бол.
- Тилсиз миллет джокъ болур.
- Джыланны къуйругъундан басарынг келсе, аны башы болгъанын унутма.
- Айыбны суу бла джууалмазса.
- Ёгюзню мюйюзлери ауурлукъ этмейдиле.
- Ёлюк кебинсиз къалмаз.
- Душманны тышы – акъ, ичи – къара.
- Айран ичген – къутулду, джугъусун джалагъан – тутулду.
- Тиширыусуз юй – отсуз от джагъа.
- Асхат ашлыкъ сата, юйдегиси ачдан къата.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Оюмсуз атлагъан, аджалсыз ёлюр.
- Ёзденликни джайгъан – джокълукъ.
- Билмезни кёзю кёрмез, этмезни къулагъы эшитмез.
- Махтаннган къыз, тойда джукълар.
- Татлы тилде – сёз ариу, чемер къолда – иш ариу.
- Тил джюрекге джол ишлейди.
- Аллахха ийнаннган кишини, Аллах онгдурур ишин.
- Юйлю уругъа ит чабмаз.
- Адамны артындан къара сабан сюрме.
- Сыфатында болмагъаны, суратында болмаз.
- Джюз элде джюз ёгюзюм болгъандан эсе, джюз джууугъум болсун.
- Ачлыкъда тары гырджын халыуадан татлы.
- Эл ауузу – элия.
- Бал ашаргъа сюе эсенг, чибин ургъаннга тёз.
- Суугъа – таянма, джаугъа – ийнанма.
- Ашхылыкъ джерде джатмайды, аманлыкъ суугъа батмайды.
- Джаралыны джастыгъында сау ёлюр.
- Магъанасыз сёз – тауушсуз сыбызгъы.
- Ишге юренсин къоллары, халкъ бла болсун джоллары.
- Ётюрюкню къуйругъу – бир тутум.
- Тай асырагъан, атха минер.
- Аджашхан тёгерек айланыр.
- Мухардан ач ычхынмаз.
- Аз сёлеш, кёб ишле.
- Джахил болса анасы, не билликди баласы?
- Иги джашны ышаны – аз сёлешиб, кёб тынгылар.
- Берекет берсин деген джерде, берекет болур.
- Эшекни не къадар тюйсенг да, ат болмаз.
- Тёзген – тёш ашар!
- Ариуну – ауруу кёб.
- Джарлыны тону джаз битер.
- Эл элде бирер малынг болгъандан эсе, бирер тенгинг болсун.
- Къарын къуру болса, джюрек уру болур.
- Ауругъанны сау билмез, ач къарынны токъ билмез.
- Къобан да къуру да къобханлай турмайды, адам да къуру да патчахлай турмайды.
- Нёгер болсанг, тенг бол, тенг болмасанг, кенг бол.
- Чабар ат – джетген къыз.
- Эм ашхы къайын ана мамукъ бла башынгы тешер.
- Кёлю джокъну – джолу джокъ.
Профиль
|
|
|||