- Сабий болмагъан джерде, мёлек болмаз.
- Бек анасы джыламаз.
- Дууулдаса – бал чибин, къонса – къара чибин.
- Ачны эсинде – аш.
- Кёз – сюйген джерде, къол – ауругъан джерде.
- Таш ата билмеген, башына урур.
- Тойгъан джерден туугъан джер игиди.
- Кёбден умут этиб, аздан къуру къалма.
- Къарыусузгъа кюлме, онгсузгъа тийме.
- Миллетни бойну – базыкъ, аны бла кюрешген – джазыкъ.
- Ата Джуртуму башы болмасам да, босагъасында ташы болайым.
- Акъыллы эркиши атын махтар, акъылсыз эркиши къатынын махтар.
- Ата Джуртун танымагъан, атасын да танымаз.
- Алтыннга тот къонмаз.
- Къарнынг ауруса, ауузунгу тый
- Сёз къанатсыз учар.
- Джарашыу сюйген – джалынчакъ.
- Мал кёб болса, джууукъ кёб болур.
- Тил – миллетни джаны.
- Сабий кёргенин унутмаз.
- Иги сёз – джаннга азыкъ, аман сёз башха – къазыкъ.
- Этим кетсе да, сюегим къалыр.
- Айранны сюйген, ийнек тутар.
- Ёзденликни кёбю ётюрюк.
- Къралынгы – душмандан, башынгы от бла суудан сакъла.
- Тойгъан антын унутур.
- Аджашхан тёгерек айланыр.
- Сескекли кесин билдирир.
- Джюрекден джюрекге джол барды.
- Босагъа таш юйге кирмей эди, тыбыр таш эшикге чыкъмай эди.
- Ачыу алгъа келсе, акъыл артха къалады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ата Джуртча джер болмаз, туугъан элча эл болмаз.
- Адамгъа аман кюн соруб келмейди.
- Джигер – джаннга къыйынлыкъ.
- Ёлюр джаннга, ёкюл джокъ.
- Биреуге аманлыкъ этиб, кесинге игилик табмазса.
- Ким бла джюрюсенг, аны кёзю бла кёрюнюрсе.
- Башсыз урчукъ тюзюне айланмаз.
- Айтхан – тынч, этген – къыйын.
- Къонакъ хазыр болгъанлыкъгъа, къонакъбай хазыр тюлдю.
- Юйюнгден чыкъдынг – кюнюнгден чыкъдынг.
- Окъумагъан сокъурду, сокъур ташха абыныр!
- Бети – къучакълар, джюреги – бычакълар.
- Къобан да къуру да къобханлай турмайды, адам да къуру да патчахлай турмайды.
- Ёпкелегенни ашы татлы болады.
- Джолунга кёре – джюрюшюнг, джагъанга кёре – юлюшюнг.
- Чомартха Тейри да борчлуду.
- Ауурну тюбю бла, дженгилни башы бла джюрюген.
Профиль
|
||||