- Эки итни арасына сюек атма, эки адамны арасында сёз чыгъарма.
- Тамырсыз терекге таянма – джыгъылырса.
- Сакъламагъан затынга джолукъсанг, не бек къууанаса, не бек ачыйса.
- Нёгерсизни джолу узун.
- Ёпкелегенни ашы татлы болады.
- Байдан умут эте, джарлыдан ёгюз багъасы къорады.
- Рысхы джалгъанды: келген да этер, кетген да этер.
- Акъдан къара болмаз.
- Тюзлюк шохлукъну бегитир.
- Чарсда алчыны эл кёреди.
- Ёгюзню мюйюзюнден тутадыла, адамны сёзюнден тутадыла.
- Къызын тута билмеген, тул этер, джашын тута билмеген, къул этер.
- Акъыл къартда, джашда тюйюлдю – башдады.
- Къоркъакъны кёзю экили кёрюр.
- Тойгъандан сора, ашны сёкме.
- Къартха ушагъан джаш – акъыллы, джашха ушагъан къарт – тели.
- Тилде сюек болмаса да, сюек сындырыр.
- Аманны тукъумуна къарама, игини тукъумун сорма.
- Ёксюзню къалачы уллу кёрюнюр.
- Хоншуну тауугъу къаз кёрюнюр, келини къыз кёрюнюр.
- Тойгъан антын унутур.
- Ёгюзню мюйюзлери ауурлукъ этмейдиле.
- Аман киши кеси юйюнде – къонакъ.
- Бек анасы джыламаз.
- Олтуруб кёрюнмей эди да, ёрге туруб кёрюне эди.
- Ариу – кёзге, акъыл – джюрекге.
- Ауурну тюбю бла, дженгилни башы бла джюрюген.
- Джиби бир къат джетмей эди да, эки къат тарта эди.
- Тюз сёз баргъан сууну тыяр.
- Накъырда – кертини келечиси.
- Зарда марда джокъ.
- Ана кёлю – балада, бала кёлю – талада.
- Джаш къарыу бла кючлю, къарт акъыл бла кючлю.
- Ауругъан – джашаудан умутчу.
- Кийим тукъум сордурур.
- Сангырау къулакъ эл бузар.
- Биреуге аманлыкъны тилеме да, кесинге ашхылыкъны тиле.
- Гугурук къычырмаса да, тангны атары къалмаз.
- Сёлеш деб шай берген, тохта деб, сом берген.
- Aдам боллукъ, сыфатындан белгили.
- Таугъа чыгъаллыкъ эсенг, тюзде къалма.
- Нёгер болсанг, тенг бол, тенг болмасанг, кенг бол.
- Къыйынлы джети элни къайгъысын этер.
- Эринчекге кюн узун.
- Мен да «сен», дейме, сен да «кесим», дейсе.
- Хар адамгъа кеси миннген тау кибик.
- Эрни эр этерик да, къара джер этерик да, тиширыуду.
- Ётген ёмюр – акъгъан суу.
- Сабийни джумушха джибер да, ызындан бар.
- Тамчы таш тешер.
Профиль
|
|
|||