- Аджалсыз ёлюм болмаз.
- Чарсда алчыны эл кёреди.
- Келинин тута билмеген, къул этер, къызын тута билмеген, тул этер.
- Бермеген къол, алмайды.
- Айранны сюйген, ийнек тутар.
- Махтаннган къыз, тойда джукълар.
- Къазанны башы ачыкъ болса, итге уят керекди.
- Атынг аманнга чыкъгъандан эсе, джанынг тамагъынгдан чыкъсын.
- Къыз тиширыу кеси юйюнде да къонакъды.
- Суугъа – чабакъ, къаягъа – ыргъакъ.
- Атлыны ашхысы, ат тизгининден билинир
- Джарашыу сюйген – джалынчакъ.
- Халкъны джырын джырласанг, халкъ санга эжиу этер.
- Къумурсхала джыйылсала, пилни да джыгъадыла.
- Сёз – кюмюш, джыр – алтын.
- Хатерли къул болур.
- Къонакъ аман болса, къонакъбай джунчур
- Хата – гитчеден.
- Нарт сёз къарт болмаз.
- Билим – акъылны чырагъы.
- Байма, деб да, къууанма, джарлыма, деб да, джылама.
- Эм ашхы къайын ана мамукъ бла башынгы тешер.
- Ариу сёз джыланны орнундан чыгъарыр.
- Къарт болгъан джерде, берекет болур, сабий болгъан джерде, оюн болур.
- Мураты болгъанны джюрек тебюую башхады.
- Сакъ юйюне сау барыр.
- Айыбны суу бла джууалмазса.
- Ашхы адам – халкъ байлыгъы, ашхы джер – джашау байлыгъы.
- Къарнынг къанлынга кийирир.
- Игилик игилик бла сингдирилиучю затды.
- Таукел адам тау тешер.
- Хаухну атма, ёнгкючню сатма.
- Харам къарнашдан, халал тенг ашхы.
- Тёрдеги кюлсе, эшикдеги ышарыр.
- Джахил болса анасы, не билликди баласы?
- Эл ауузу – элия.
- Адам сёзге тынгыла, акъыл сёзню ангыла.
- Тёрени джагъы джокъ.
- Суу кетер, таш къалыр.
- Къолунгдан къуймакъ ашатсанг да, атаны борчундан къутулмазса.
- Эртде тургъан бла эртде юйленнген сокъуранмаз.
- Къобан да къуру да къобханлай турмайды, адам да къуру да патчахлай турмайды.
- Эл бла кёргенинг эрелей.
- Намысы джокъну – дуниясы джокъ.
- Сёз садакъдан кючлюдю.
- Адам сёзюнден белгили.
- Къонакъ кёб келюучю юйню, къазаны отдан тюшмез.
- Джарлыны тону джаз битер.
- Артына баргъанны, къатына барма.
- Босагъа таш юйге кирмей эди, тыбыр таш эшикге чыкъмай эди.
Профиль
|
|
|||