- Къыз чыгъаргъан – къызыл къымжа.
- Юреннген ауруу къалмаз.
- Тойгъа алгъа да барма, тойда артха да къалма.
- Ашыкъгъанны этеги бутуна чырмалыр.
- Тюз сёз баргъан сууну тыяр.
- Ариу сёз – джаннга азыкъ, аман сёз – башха къазыкъ.
- Хатерли къул болур.
- Къолу уллу – асыу, аягъы уллу – джарсыу.
- Тойгъанлыкъ къойгъа джарашады.
- Ач отунчуну ачыуу – бурнунда.
- Къартны сыйын кёрмеген, къартлыгъында сыйлы болмаз.
- Бозаны арты дауур болур.
- Чомарт къолда мал къалмаз.
- Аджалсыз ёлюм болмаз.
- Киштикге къанат битсе, чыпчыкъ къалмаз эди.
- Кюн – узун, ёмюр – къысха.
- Ётюрюкню башын керти кесер.
- Ашаса, ашамаса да, бёрюню ауузу – къан.
- Болджал ишни бёрю ашар.
- Хансыз джомакъ болмаз.
- Ишленмеклик адамлыкъды.
- Телиге от эт десенг, юйюнге от салыр.
- Таукел къуру къалмаз.
- Минг тенг да азды, бир джау да кёбдю.
- Ойнаб айтсанг да, эслеб айт.
- Намыс болмагъан джерде, насыб болмаз.
- Юйлю уругъа ит чабмаз.
- Зар адам ашынгы ашар, кесинги сатар.
- Тёгюлген тюгел джыйылмайды.
- Ёксюзню къалачы уллу кёрюнюр.
- Аман адам этегингден тутса, кес да къач.
- Джети тилни билген джети кишиди.
- Элни кючю – эмеген.
- Адамгъа аман кюн соруб келмейди.
- Ойнай-ойнай кёз чыгъар.
- Ашхы болсанг, атынг чыгъар, аман болсанг, джанынг чыгъар.
- Къар – келтирди, суу – элтди.
- Кеси юйюмде мен да ханма.
- Джумушакъ сёз къаты таякъны сындырыр.
- Битмегеннге сакъал – танг.
- Къралынгы – душмандан, башынгы от бла суудан сакъла.
- Джарлы эскисин джамаса, къууаныр.
- Эшекге миннген – биринчи айыб, андан джыгъылгъан – экинчи айыб.
- Алтыда кюлмеген, алтмышда кюлмез.
- Байдан умут эте, джарлыдан ёгюз багъасы къорады.
- Чакъырылмагъан къонакъ – орунсуз.
- Къыз келсе, джумуш эте келеди, къатын келсе, ушакъ эте келеди.
- Чомарт къонакъ юй иесин сыйлар.
- Эр сокъур болсун, къатын тилсиз болсун.
- Ачылгъан эт джабылыр, кёрген кёз унутмаз.
Профиль
|
|
|
|||