- Мал кёб болса, джууукъ кёб болур.
- Таула не мийик болсала да, аууш табылыр.
- Ач бёрюге мекям джокъ.
- Эл тойса, тоймагъан, эл къойса, къоймагъан.
- «Ёгюз, джаргъа джууукъ барма, меннге джюк боллукъса», - дегенди эшек.
- Джарлыны тону джаз битер.
- Сабий кёргенин унутмаз.
- Азыкълы ат арымаз, къатыны аман джарымаз.
- Алтыда кюлмеген, алтмышда кюлмез.
- Къызны минг тилер, бир алыр.
- Билимсиз иш бармаз.
- Къаллай салам берсенг, аллай джууаб алырса.
- Ёлюк кебинсиз къалмаз.
- Ата – баланы уясы.
- Аш берме да, къаш бер.
- Тёрде – темир таякълы, къаяда – чыпчыкъ аякълы.
- Эте билген, этген этеди, эте билмеген, юретген этеди!
- Тёзген – тёш ашар!
- Агъач – джерни чырайы, кийим – эрни чырайы.
- Аууздан келген, къолдан келсе, ким да патчах болур эди.
- Ханнга да келеди хариблик.
- Суу кетер, таш къалыр.
- Юй кюйдю да, кюйюз чыкъды, ортасындан тюйюш чыкъды.
- Кийиминг бла танылма, адамлыкъ бла таныл.
- Айныгъанлы алты кюн, тогъайгъанлы тогъуз кюн.
- Нарт сёз къарт болмаз.
- Игиге айтсанг – билир, аманнга айтсанг – кюлюр.
- Сыфатында болмагъаны, суратында болмаз.
- Къалгъан ишге къар джауар.
- Иги адамны бир сёзю эки болмаз.
- Къыйынлы джети элге оноу этер.
- Адамгъа аман кюн соруб келмейди.
- Уллу атлама – абынырса, уллу къабма – къарылырса.
- Оюмсуз атлагъан, аджалсыз ёлюр.
- Ашыкъгъанны этеги бутуна чырмалыр.
- Адамны аманы адамны бети бла ойнар.
- Сютден ауузу кюйген, суугъа юфгюре эди.
- Биреуге аманлыкъны тилеме да, кесинге ашхылыкъны тиле.
- Кесине оноу эте билмеген, халкъына да эте билмез.
- Джаз бир кюнню джатсанг, къыш талай кюнню абынырса.
- Арыгъан къош чамчы болур.
- Аджаллыгъа окъсуз шкок атылыр.
- Джуртун къоругъан озар.
- Алма терегинден кери кетмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Чомартха Тейри да борчлуду.
- Таукелге нюр джауар.
- Джаным-тиним – окъуу, билим.
- Чакъырылмагъан джерге барма, чакъырылгъан джерден къалма.
- Къонакъ болсанг, ийнакъ бол.
Профиль
|
|
|||