- Тойчу джашха къарама, къойчу джашха къара.
- Бал ашаргъа сюе эсенг, чибин ургъаннга тёз.
- Сагъышы джокъ – джукъучу, акъылы джокъ – къаугъачы.
- Экеулен сёлеше тура эселе, орталарына барыб кирме.
- Аман киши кеси юйюнде – къонакъ.
- Сакъламагъан затынга джолукъсанг, не бек къууанаса, не бек ачыйса.
- Айырылмаз джууугъунга, унутмаз сёзню айтма.
- Накъырда – кертини келечиси.
- Тюз сёз баргъан сууну тыяр.
- Джангызны оту джарыкъ джанмаз!
- Сескекли кесин билдирир.
- Эл ауузу – элия.
- Джашынгы кесинг юретмесенг, джашау юретир.
- Эте билген, этген этеди, эте билмеген, юретген этеди!
- Керек ташны ауурлугъу джокъ.
- Эркишини аманы тиширыуну джылатыр.
- Адамны адамлыгъы къыйынлыкъда айгъакъланады.
- Тёрени джагъы джокъ.
- Иги сеники эсе да, сюйген кесимикин этеме.
- Чомартха хар кюн да байрамды.
- Ишлегенде эринме, ишде чолакъ кёрюнме.
- Атадан ёксюз – бир ёксюз, анадан ёксюз – эки ёксюз.
- Келлик заман – къартлыкъ келтирир, кетген заман – джашлыкъ ёлтюрюр.
- Джигер – джаннга къыйынлыкъ.
- Баланы адам этген анады.
- Ауузу бла къуш тута айланады.
- Тил – кесген бычакъ, сёз – атылгъан окъ.
- Ичимден чыкъды хата, къайры барайым сата?
- Орундукъ тюбюнде атылсам да, орта джиликме, де да айлан.
- Акъыллы – эл иеси, тели – эл баласы.
- Кёзюнде тереги болгъан, чёбю болгъаннга кюле эди.
- Кёб ант этген, кёб ётюрюк айтыр.
- Эрни эр этерик да, къара джер этерик да, тиширыуду.
- «Ма», - дегенни билмесенг, «бер», - дегенни билмезсе.
- Ана къолу ачытмаз.
- Бетинги сатма, малынгы сат.
- Кёб джашагъан – кёб билир.
- Бети бедерден, намыс сакълама.
- Келгинчи, къонакъ уялыр, келгенден сора, къонакъбай уялыр.
- Акъыл неден да кючлюдю.
- Ашда – бёрю, ишде – ёлю.
- Тойгъа алгъа да барма, тойда артха да къалма.
- Ойнаб айтсанг да, эслеб айт.
- Джан саулукъ бермей, сан саулукъ бермезсе.
- Эл элде бирер малынг болгъандан эсе, бирер тенгинг болсун.
- Кёзю сокъурдан – къоркъма, кёлю сокъурдан – къоркъ.
- Аджашхан тёгерек айланыр.
- Биреуню эскиси биреуге джангы болмайды.
- Хантына кёре тузу, юйюне кёре къызы.
- Джауумдан сора, кюн кюйдюрюр, ётюрюкден сора, айыб кюйдюрюр.
Профиль
|
|
|||