- Этни бети бла шорпасы.
- Хунаны тюбюн къазсанг, юсюнге ауар.
- Айырылгъанланы айю ашар, бёлюннгенлени бёрю ашар.
- Рысхы – насыбха къор.
- Шапа кёб болса, аш татымсыз болур.
- Айранын берсенг, челегин да къызгъанма.
- Къошда джокъгъа – юлюш джокъ.
- Сакъламагъан затынга джолукъсанг, не бек къууанаса, не бек ачыйса.
- Адеби болмагъан къыз – тузсуз хант.
- Кюлме джашха – келир башха.
- Къаллай салам берсенг, аллай джууаб алырса.
- Айныгъанлы алты кюн, тогъайгъанлы тогъуз кюн.
- Аджалсыз ёлюм болмаз.
- Эки къатын алгъан – эки ташны ортасына башын салгъан.
- Экеу тутушса, биреу джыгъылыр.
- Къарын къуру болса, джюрек уру болур.
- Байны къызы баймакъ болса да, юйде къалмаз!
- Таула не мийик болсала да, аууш табылыр.
- Мал тутхан – май джалар.
- Тик ёргени, тик энгишгеси да болады.
- Адамны артындан къара сабан сюрме.
- Эртде тургъан бла эртде юйленнген сокъуранмаз.
- Тёрде – темир таякълы, къаяда – чыпчыкъ аякълы.
- Ётюрюк хапар аякъ тюбю бла джюрюйдю.
- Кесине гебен этелмеген, биреуге черен эте эди.
- Акъыллы эркиши атын махтар, акъылсыз эркиши къатынын махтар.
- Окъдан джара эртде-кеч болса да бителир, сёз джара, ёмюрге къалыр.
- Кенгеш болса, уруш болмаз.
- Нёгерсизни джолу узун.
- Ушамагъан – джукъмаз.
- Босагъа таш юйге кирмей эди, тыбыр таш эшикге чыкъмай эди.
- Шайтан алдады, тюзлюк къаргъады.
- Къарнынг ауруса, ауузунгу тый
- Къарт бла баш аша, джаш бла аякъ аша.
- Кесинге джетмегенни, кёб сёлешме.
- Билими азны – ауузунда кирит.
- Сибиртки да сыйлы болду, кюрек да кюнлю болду.
- Аманнга игилик этсенг, юйюнге сау бармазса.
- Ким бла джюрюсенг, аны кёзю бла кёрюнюрсе.
- Халкъгъа джарагъан, джарлы къалмаз.
- Ётюрюкден тюбю джокъ, кёлтюрюрге джиби джокъ.
- Эм уллу байлыкъ – джан саулукъ.
- Суу да къайтады чыкъгъан джерине.
- Эки итни арасына сюек атма, эки адамны арасында сёз чыгъарма.
- Артына баргъанны, къатына барма.
- Чабакъ башындан чирийди.
- Тин – байлыгъынг, терен саулугъунг.
- Ёлген эшек бёрюден къоркъмайды.
- Кёбге таш атма.
- Тамчы таш тешер.
Профиль
|
|
|||