- Танг атмайма десе да, кюн къоярыкъ тюйюлдю.
- Этни да ашады, бетни да ашады.
- Халкъгъа джарагъан, джарлы къалмаз.
- Эрни эр этерик да, къара джер этерик да, тиширыуду.
- Къызын тута билмеген, тул этер, джашын тута билмеген, къул этер.
- Джаралыны джастыгъында сау ёлюр.
- Босагъа таш юйге кирмей эди, тыбыр таш эшикге чыкъмай эди.
- Къарнынг тойгъунчу аша да, белинг талгъынчы ишле.
- Ёлюр джаннга, ёкюл джокъ.
- Джукъу тёшек сайламайды.
- Ана къойну – балагъа джандет.
- Халкъны юйю – туугъан джери.
- Аман хансны – урлугъу кёб.
- Азыкълы ат арымаз, къатыны аман джарымаз.
- Гырджын – тепсини тамадасы.
- Тик ёргени, тик энгишгеси да болады.
- Хар ишни да аллы къыйынды.
- Адамны сабийин сюйген джюреги, бычакъча, джитиди.
- Бетинги сатма, малынгы сат.
- От кюйдюрген, сау болса да, тот кюйдюрген, сау болмаз.
- Ач отунчуну ачыуу – бурнунда.
- Агъач халкъгъа алтынды, иссиликге салкъынды.
- Таукел адам тау тешер.
- Магъанасыз сёз – тауушсуз сыбызгъы.
- Суу кетер, таш къалыр.
- Джангыз терек къынгыр ёсер.
- Ауругъаннга – кийик саулукъ, джетген къызгъа – чилле джаулукъ.
- Джылкъыдан – ат чыгъар, тукъумдан – джаш чыгъар.
- Ач бёрюге мекям джокъ.
- Къайгъыны сюйген, къайгъы табар.
- Къартха ушагъан джаш – акъыллы, джашха ушагъан къарт – тели.
- Кирсизни – саны таза, халалны – къаны таза.
- Ишин билген, аны сыйын чыгъарады.
- Aдам боллукъ, сыфатындан белгили.
- Ашхы болсанг, атынг чыгъар, аман болсанг, джанынг чыгъар.
- Хунаны тюбюн къазсанг, юсюнге ауар.
- Этни бети бла шорпасы.
- Къазанны башы ачыкъ болса, итге уят керекди.
- Эринчекни эр алмаз, эр алса да, кёл салмаз, кёл салса да, кёб бармаз!
- Къанны къан бла джуума, аманны аман бла къуума.
- Уллу къашыкъ эрин джыртар.
- Олтуруб кёрюнмей эди да, ёрге туруб кёрюне эди.
- Къая джолда джортма, ачыкъ сёзден къоркъма.
- Тай асырагъан, атха минер.
- Тёзгеннге, джабылгъан эшик ачылыр.
- Аджашхан тёгерек айланыр.
- Ишленмеклик адамлыкъды.
- Эр сокъур болсун, къатын тилсиз болсун.
- Адебсиз адам – джюгенсиз ат.
- Джогъун бар этген, барын бал этген.
Профиль
|
|
|||