- Ачны эсинде – аш.
- Ашлыкъ – бюртюкден, джюн – тюкден.
- Хазыр ашха – терен къашыкъ.
- Таугъа чыгъаллыкъ эсенг, тюзде къалма.
- Ойнай билмеген, уруб къачар.
- Агъач халкъгъа алтынды, иссиликге салкъынды.
- Адамны сыфатына къарама, сёзюне къара.
- Бети къызарыучу адамны, джюреги харам болмаз.
- Ач да бол, токъ да бол – намысынга бек бол.
- Къызбайны юйюне дери сюрсенг, батыр болур.
- Акъыллы башны – тили къысха.
- Атлыны кёрсе, джаяуну буту талыр.
- Къан бла кирген, джан бла чыгъар.
- Кёлсюзден сёзсюз тууар.
- Ауругъаннга – кийик саулукъ, джетген къызгъа – чилле джаулукъ.
- Иесиз малны бёрю ашар.
- Хунаны тюбюн къазсанг, юсюнге ауар.
- Дженгил джетерикме деб, узун джолну къоюб, къысхасын барма.
- Кёпюр салгъан кеси ётер, уру къазгъан кеси кетер.
- Тулпарлыкъ, билекден тюл – джюрекден.
- Ач къалгъандан, кеч къалгъан къолай.
- Ёксюзню къалачы уллу кёрюнюр.
- Босагъагъа джууукъ орун болса, ашыгъыб тёрге озма.
- Билмегенинги, билгеннге сор.
- Эрине къаргъыш этген къатын, эрнин къабар.
- Къартха ушагъан джаш – акъыллы, джашха ушагъан къарт – тели.
- Ётюрюкню къуйругъу – бир тутум.
- Акъыл сабырлыкъ берир.
- Кёл ашады да, кеси ашады.
- Урама да – ёледи, сатама да – келеди.
- Сагъыш – къартлыкъгъа сюйюмчю.
- Айырылгъанланы айю ашар, бёлюннгенлени бёрю ашар.
- Къонакъ болсанг, ийнакъ бол.
- Ойнай билмеген, оюн бузар.
- Келгинчи, къонакъ уялыр, келгенден сора, къонакъбай уялыр.
- Тойгъан джерге джети къайт.
- Махтаннган къыз, тойда джукълар.
- Таукел тауну аудурур.
- Билген билмегенни юретген адетди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сабий кёргенин унутмаз.
- Ашыкъгъанны этеги бутуна чырмалыр.
- Кёл – къызбай, къол – батыр.
- Суугъа – чабакъ, къаягъа – ыргъакъ.
- Ишленмеклик адамлыкъды.
- Айтылгъан буйрукъ, сёгюлмез
- Чомарт къолда мал къалмаз.
- Итли къонакъ джарашмаз.
- Тенги кёбню джау алмаз, акъылы кёбню дау алмаз.
- Къарт болгъан джерде, берекет болур, сабий болгъан джерде, оюн болур.
Профиль
|
|
|||