- Аман эсирсе, юйюн ояр.
- Сёз къанатсыз учар.
- Ашда уялгъан – мухар, ишде уялгъан – хомух.
- Къартха ушагъан джаш – акъыллы, джашха ушагъан къарт – тели.
- Чалманны аллы къалай башланса, арты да алай барады.
- Азыгъы аз, алгъа къабар, аты аман, алгъа чабар.
- Ашыкъгъанны этеги бутуна чырмалыр.
- Экеу тутушса, биреу джыгъылыр.
- Ёлген эшек бёрюден къоркъмайды.
- Онгсузну – джакъла, тенгликни – сакъла.
- Кесинге джетмегенни, кёб сёлешме.
- Эл ауузу – элия.
- Рысхы – сют юсюнде кёмюк кибикди.
- Ашлыкъны арба юйге келтирир, чана базаргъа элтир.
- Азыкъ аз болса, эртде орун сал.
- Акъыллы – эл иеси, тели – эл баласы.
- Къонагъынгы артмагъын алма да, алгъышын ал.
- Къууут – джелге, берне – бошха.
- Къралынгы – душмандан, башынгы от бла суудан сакъла.
- Ана къойну – балагъа джандет.
- Бек анасы джыламаз.
- Хансыз джомакъ болмаз.
- Ашхы атаны – джашы ашхы, ашхы ананы – къызы ашхы.
- Ауругъан – джашаудан умутчу.
- От кюйдюрген, сау болса да, тот кюйдюрген, сау болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ойнай билмеген, уруб къачар.
- Бюгюн дуния кибик, тамбла ахыратды.
- Ётюрюкню башын керти кесер.
- Ётюрюкню къуйругъу – бир тутум.
- Къарнынг тойгъунчу аша да, белинг талгъынчы ишле.
- Биреу ашаб къутулур, биреу джалаб тутулур.
- Татлы сёз – балдан татлы.
- Къызны минг тилер, бир алыр.
- Тюзлюк тас болмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Эски джаугъа ышанма.
- Тамырсыз терекге таянма – джыгъылырса.
- Къар – келтирди, суу – элтди.
- Къонакъ болсанг, ийнакъ бол.
- Акъыллы эркиши атын махтар, акъылсыз эркиши къатынын махтар.
- Чабакъ башындан чирийди.
- Итли къонакъ джарашмаз.
- Адеби болмагъан къыз – тузсуз хант.
- Сабийни джумушха джибер да, ызындан бар.
- Тамбла алтындан бюгюн багъыр ашхы.
- Арыгъан къош чамчы болур.
- Кийимни бичсенг, кенг бич, тар этген къыйын тюлдю.
- Ишлегенде эринме, ишде чолакъ кёрюнме.
- Уясында не кёрсе, учханында аны этер.
Профиль
|
|
|||