- Аман адам элни бир-бирине джау этер.
- Татлы сёз – балдан татлы.
- Ышармагъан – кюлмез, кюлмеген – къууанчны билмез.
- Билим ат болуб да чабар, къуш болуб да учар.
- Тилде сюек болмаса да, сюек сындырыр.
- Aдам боллукъ, сыфатындан белгили.
- Джылар джаш, атасыны сакъалы бла ойнар.
- Къонагъынгы артмагъын алма да, алгъышын ал.
- Адеби болмагъан къыз – тузсуз хант.
- Ариу джол аджал келтирмез.
- Тик ёргени, тик энгишгеси да болады.
- Келинни – келгинчи, бёркню кийгинчи кёр.
- Тамчы таш тешер.
- Насыб бютеу халкъны юлюшюдю.
- Терслик кетер, тюзлюк джетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Башынга джетмегенни сорма.
- Кёб ант этген, кёб ётюрюк айтыр.
- Сибиртки да сыйлы болду, кюрек да кюнлю болду.
- Эр сокъур болсун, къатын тилсиз болсун.
- Къатын байлыкъны сюер, эр саулукъну сюер.
- Ушамагъан – джукъмаз.
- Бастасын ашагъан, хантусун да ичер.
- Нарт сёз къарт болмаз.
- Эртде тургъан бла эртде юйленнген сокъуранмаз.
- Сескекли кесин билдирир.
- «Ма», - дегенни билмесенг, «бер», - дегенни билмезсе.
- Кесине гебен этелмеген, биреуге черен эте эди.
- Берекет берсин деген джерде, берекет болур.
- Нёгерсизни джолу узун.
- Джерни букъусу кёкге къонмаз.
- Аз айтсам, кёб ангылагъыз.
- Мадар болса, къадар болур.
- Тенгни тенглиги джашай барсанг билинир.
- Асхат ашлыкъ сата, юйдегиси ачдан къата.
- Сютню башын джалагъан къутулур, тюбюн ичген тутулур.
- Эрни эр этерик да, къара джер этерик да, тиширыуду.
- Аман къатын сабий табса, бий болур…
- Джолда аягъынга сакъ бол, ушакъда тилинге сакъ бол.
- Эшекни не къадар тюйсенг да, ат болмаз.
- Бал – татлы, балдан да бала – татлы.
- Алтыннга тот къонмаз.
- Кёб къычыргъандан – къоркъма, тынч олтургъандан – къоркъ.
- Адамны аты башхача, акъылы да башхады.
- Чыкълы кюнде чыкъмагъан, чыкъса къуру кирмеген.
- Соргъан айыб тюлдю, билмеген айыбды.
- Ач да бол, токъ да бол – намысынга бек бол.
- Мухардан ач ычхынмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ханы къызы буюгъа-буюгъа киштик болду.
Профиль
|
|
|||