- Биреу къой излей, биреу той излей.
- Ауурну тюбю бла, дженгилни башы бла джюрюген.
- Тамчы таш тешер.
- Ургъан суудан башынгы сакъла.
- Ашхы адам – халкъ байлыгъы, ашхы джер – джашау байлыгъы.
- Нёгер болсанг, тенг бол, тенг болмасанг, кенг бол.
- Узун джолну барсанг, бюгюн келирсе, къысха джолну барсанг, тамбла келирсе.
- Эл элде бирер малынг болгъандан эсе, бирер тенгинг болсун.
- Джан саулукъ бермей, сан саулукъ бермезсе.
- Ана къолу ачытмаз.
- Хунаны тюбюн къазсанг, юсюнге ауар.
- Ач къарным, тынч къулагъым.
- Гитче джилтин уллу элни джандырыр.
- Мухарны эси – ашарыкъда.
- Кийиминг бла танылма, адамлыкъ бла таныл.
- Бет бетге къараса, бет да джерге къарар.
- Зар адамны насыбы болмаз.
- Ариу джол аджал келтирмез.
- Суу да къайтады чыкъгъан джерине.
- Чыбыкълыкъда бюгюлмеген, къазыкълыкъда бюгюлмей эди.
- Ач къалгъандан, кеч къалгъан къолай.
- Тилчи тилден къаныкъмаз.
- Ач – эснер, ат – кишнер.
- Джарлы эскисин джамаса, къууаныр.
- Байма, деб да, къууанма, джарлыма, деб да, джылама.
- Намыс болмагъан джерде, насыб болмаз.
- Къолунгдан къуймакъ ашатсанг да, атаны борчундан къутулмазса.
- Ишни ахырын ойламай, аллын башлама.
- Кёл – къызбай, къол – батыр.
- Джукъу тёшек сайламайды.
- Дуния аламаты сен эсенг да, игиме деб айтма.
- Биреуню эскиси биреуге джангы болмайды.
- Оюмсуз атлагъан, аджалсыз ёлюр.
- Адеб этмеген, адеб кёрмез.
- Чакъырылмагъан къонакъ тёрге атламаз.
- Джыйырма къойну юч джыйырма эбзе кюте эди.
- Ашаса, ашамаса да, бёрюню ауузу – къан.
- Юре билмеген ит, къонакъ келтирир.
- Джылкъыдан – ат чыгъар, тукъумдан – джаш чыгъар.
- Эте билген, этген этеди, эте билмеген, юретген этеди!
- Чомартны къолу берекет.
- Кирсизни – саны таза, халалны – къаны таза.
- Азыкълы ат арымаз, къатыны аман джарымаз.
- Къозулугъунда тоймагъан, къойлугъунда тоймаз.
- Айныгъанлы алты кюн, тогъайгъанлы тогъуз кюн.
- Атынг аманнга чыкъгъандан эсе, джанынг тамагъынгдан чыкъсын.
- Байлыкъдан саулукъ ашхыды.
- Тилчи бир сагъатха айлыкъ хата этер.
- Уллу къашыкъ эрин джыртар.
- Телиге акъыл салгъандан эсе, ёлгеннге джан салырса.
Профиль
|
|
|||